തിരുവനന്തപുരം: ബംഗാൾ ഉൾക്കടലിൽ ന്യുനമർദ്ദം രൂപപ്പെട്ട സാഹചര്യം തുടരുന്നു. ഇതിന്റെ ഭാഗമായി സംസ്ഥാനത്ത് അഞ്ച് ദിവസം മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ വകുപ്പ് വ്യക്തമാക്കി . . വരും മണിക്കൂറിൽ ആലപ്പുഴ, കോട്ടയം ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ട്. ഇടിമിന്നലോട് കൂടിയ മഴയ്ക്കുള്ള സാധ്യതകളാണുള്ളത്.
സംസ്ഥാനത്ത് ഒറ്റപ്പെട്ട നേരിയ മഴയ്ക്കുള്ള സാധ്യതകളാണുള്ളത്. ഇടിമിന്നലോട് കൂടിയ മഴയ്ക്കുള്ള മുന്നറിയിപ്പാണ് കേന്ദ്ര കാലാവസ്ഥ വകുപ്പ് നൽകുന്നത്. എല്ലാ ജില്ലകളിലും ഒറ്റപ്പെട്ട നേരിയ മഴ ലഭിക്കുമെന്നാണ് കരുതപ്പെടുന്നത്. പകൽ സമയം തെളിഞ്ഞ കാലാവസ്ഥയും വൈകീട്ടോടെ മഴ എത്തുന്ന സാഹചര്യവുമാണുള്ളത്. മലയോര പ്രദേശങ്ങളിലടക്കം മഴ ലഭിക്കുന്നുണ്ടെങ്കിലും ശക്തമായ മഴ ഉണ്ടാകില്ലെന്നാണ് കരുതപ്പെടുന്നത്
ഇന്നും നാളെയും തെക്കൻ കേരളം – ലക്ഷദ്വീപ് തീരങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.അത് കൊണ്ട് തന്നെ മത്സ്യ തൊഴിലാളികൾ ജാഗ്രത പാലിക്കണം.
Discussion about this post