ബിഎസ്എൻഎൽ ഇപ്പോൾ കുറഞ്ഞ ചിലവിൽ റിച്ചാർജ് പ്ലാനുകൾ അവതരിപ്പിച്ച് ശ്രദ്ധ പിടിച്ചുപറ്റിയിരിക്കുകയാണ് . കഴിഞ്ഞ കുറച്ച് മാസങ്ങളായി നിരവധി ഓഫറുകളാണ് ഉപഭോക്താക്കളൾക്ക് നൽകി കൊണ്ടിരിക്കുന്നത്. നിരവധി ഓഫറുകൾ ബിഎസ്എൻഎൽ സമ്മാനിച്ചുവെങ്കിലും വാർഷിക റീച്ചാർജ് പ്ലാനുകൾ അതിഗംഭീര ഓഫറുകളാണ്. ആ ഓഫറുകൾ പരിചയപ്പെടാം.
1998 രൂപ പ്ലാൻ
അൺലിമിറ്റഡ് ലോക്കൽ, എസ്ടിഡി കോളുകൾ, വർഷത്തേക്ക് 600 ജിബി അതിവേഗ ഡാറ്റ എന്നിവയാണ് 1998 രൂപ പ്ലാനിൽ ബിഎസ്എൻഎൽ നൽകുന്നത്. നിശ്ചിത പരിധി കഴിയുമ്പോൾ ഡാറ്റയുടെ വേഗം 40 കെബിപിഎസ് ആയി കുറയും. ദിവസവും 100 വീതം സൗജന്യ എസ്എംഎസും ഈ പ്ലാനിലുണ്ട്.
2398 രൂപ പ്ലാൻ
അൺലിമിറ്റഡ് വോയിസ് കോൾ, അൺലിമിറ്റഡ് ഡാറ്റ (ഡെയ്ലി ഉപയോഗത്തിന് ശേഷം സ്പീഡ് കുറയും), ദിവസവും 100 സൗജന്യ എസ്എംഎസ് എന്നിവയാണ് ബിഎസ്എൻഎല്ലിൻറെ 2398 രൂപ പ്ലാനിലുള്ളത്.
2998, 2999 രൂപ പ്ലാൻ
ഏറെ ഡാറ്റ ഉപയോഗിക്കുന്നവർക്ക് ഉപകാരപ്പെടുന്ന രണ്ട് റീച്ചാർജ് പ്ലാനുകളാണിത്. 2998, 2999 രൂപ എന്നിങ്ങനെയാണ് ഈ പ്ലാനിൻറെ വില. പരിധിയില്ലാത്ത വോയിസ് കോളും ദിവസവും 100 സൗജന്യ എസ്എംഎസും, ദിവസവും 3 ജിബി ഡാറ്റയുമാണ് ഈ പ്ലാനുകളിൽ ബിഎസ്എൻഎൽ നൽകുന്നത്.
Discussion about this post