പലരും സവാളയും ഉള്ളിയുമൊക്കെ പച്ചയ്ക്ക് കഴിക്കാറുണ്ട്. മുളകു ചമ്മന്തിയിലും സാലഡിലും ഇതൊന്നുമല്ലാതെ ഒറ്റയ്ക്കും. ഇങ്ങനെ കഴിക്കുന്നത് കാരണം നമ്മുടെ ശരീരത്തിന് എന്തെങ്കിലും പ്രശ്‌നങ്ങളുണ്ടോ? അതോ ഗുണമുണ്ടോ? എന്തൊക്കെയാണെന്ന് നോക്കാം.
നിരവധി ഔഷധഗുണങ്ങളുള്ള ഒന്നാണ് സവാള. ഇത് പച്ചയ്ക്ക് തിന്നുന്നവര്‍ക്ക് മലബന്ധം മാറ്റാന്‍ പെട്ടെന്ന് മാറും. ശരീരത്തിലെ വിഷാംശം പുറന്തള്ളാന്‍ സവാളയ്ക്ക് സാധിക്കും. കൂടാതെ വയറ്റില്‍ അടിഞ്ഞു കൂടുന്ന ഭക്ഷണാംശങ്ങളെ പുറന്തള്ളി മലബന്ധ പ്രശ്‌നം പരിഹരിക്കും.
ജലദോഷം, തൊണ്ടവേദന, കഫക്കെട്ട് എന്നിവയ്ക്കുള്ള നല്ലൊരു നാടന്‍ മരുന്ന് കൂടിയാണ് സവാള. കൂടാതെ പൈല്‍സ് മൂക്കില്‍ നിന്ന് രക്തം വരിക തുടങ്ങിയ പ്രശ്‌നങ്ങള്‍ക്ക് കൂടിയുള്ള പൊടിക്കൈ ആണ് സവാള. സവാള മുറിച്ചൊന്ന് മണത്ത് നോക്കൂ, മൂക്കില്‍ നിന്നുള്ള രക്തപ്രവാഹം നിലയ്ക്കുമെന്നാണ് പറയുന്നത്.
പ്രമേഹം നിയന്ത്രിക്കാനുള്ള ഒരു വഴികൂടിയാണ് പച്ച സവാള അകത്താക്കുന്നത്. ഇന്‍സുലിന്‍ ഉത്പാദനത്തിന് ഇത് ഏറെ സഹായിക്കും. ഹൃദയാരോഗ്യത്തിനും സവാള ഏറെ നല്ലതാണ്. ബിപി നിയന്ത്രിക്കാനും രക്ത ധമനികളിലെ തടസം മാറ്റാനും സവാള സഹായിക്കും. കൊളസ്ട്രോള്‍ കുറയ്ക്കുകയെന്ന ധര്‍മം കൂടി സവാള ചെയ്യുന്നുണ്ട്.
ഇത് ചീത്ത കൊളസ്ട്രോള്‍ കുറയ്ക്കാനും നല്ല കൊളസ്ട്രോളിന്റെ അളവ് ഉയര്‍ത്താനും സഹായിക്കും. എന്നാല്‍ സവാള പോലെയുള്ള പച്ചക്കറികള്‍ പച്ചയ്ക്ക് കഴിക്കുന്നത് ചിലപ്പോള്‍ ആരോഗ്യത്തെ ഗുരുതരമായി ബാധിക്കാനുള്ള സാധ്യതയുമുണ്ട്. അതുകൊണ്ട് വളരെ സൂക്ഷിച്ചുവേണം ഇവ ഉപയോഗിക്കാന്‍.
