കർണാടകയിൽ നേതൃമാറ്റ തർക്കത്തിന് താത്ക്കാലിക വിരാമമെന്ന് റിപ്പോർട്ടുകൾ. ഉപമുഖ്യമന്ത്രി ഡി.കെ ശിവകുമാറും മുഖ്യമന്ത്രി സിദ്ധരാമയ്യയും തമ്മിൽ ചർച്ച നടത്തിയതിന് പിന്നാലെയാണ് റിപ്പോർട്ടുകൾ.അടുത്തമാസം എട്ടിന് തുടങ്ങുന്ന കർണാടക നിയമസഭയുടെ ശീതകാല സമ്മേളനം പൂർത്തിയാകും വരെ മുഖ്യമന്ത്രി പദവി കൈമാറ്റവുമായി ബന്ധപ്പെട്ട് ചർച്ചകളോ പരസ്യമായ അഭിപ്രായപ്രകടനങ്ങളോ ഉണ്ടാകില്ല. മുഖ്യമന്ത്രിയായി സിദ്ധരാമയ്യ രണ്ടര കൊല്ലം കൂടി തുടർന്നേക്കും എന്നാണ് സൂചന.
കോൺഗ്രസ് ഹൈക്കമാന്റിന്റെ നിർദ്ദേശപ്രകാരം ഇന്ന് ഇരുനേതാക്കളും ചേർന്ന് പ്രാതൽ ചർച്ച നടത്തിയിരുന്നു. തങ്ങൾക്കിടയിൽ യാതൊരു അഭിപ്രായവ്യത്യാസവുമില്ലെന്നും, ബിജെപിയും ജെഡിഎസും പ്രചരിപ്പിക്കുന്ന നുണകൾ നേരിടുമെന്നും സിദ്ധരാമയ്യ വ്യക്തമാക്കി. 2028-ലെ നിയമസഭാ തിരഞ്ഞെടുപ്പിനുള്ള തന്ത്രങ്ങൾ മെനയുന്നതിനെക്കുറിച്ച് തങ്ങൾ ചർച്ച ചെയ്തതായും അദ്ദേഹം പറഞ്ഞു.ഹൈക്കമാൻഡ് എന്ത് തീരുമാനിച്ചാലും അത് അനുസരിക്കുമെന്നും ഇരുവരും വ്യക്തമാക്കി
ശിവകുമാർ തന്നെ ഉച്ചഭക്ഷണത്തിന് ക്ഷണിച്ചിരുന്നുവെന്നും എന്നാൽ ആദ്യം തന്റെ വീട്ടിൽ പ്രഭാതഭക്ഷണം നിർബന്ധിക്കുകയായിരുന്നു എന്നും സിദ്ധരാമയ്യ പറഞ്ഞു. ഒരു ദിവസം അദ്ദേഹത്തിന്റെ വസതിയിൽ ഉച്ചഭക്ഷണത്തിന് എത്തുമെന്ന് അറിയിച്ചിട്ടുണ്ടെന്നും മുഖ്യമന്ത്രി വ്യക്തമാക്കി.
Discussion about this post