കോട്ടയം: ബാര്‍ കോഴയില്‍ കോണ്‍ഗ്രസിനെതിരെ രൂക്ഷവിമര്‍ശനവുമായി കേരള കോണ്‍ഗ്രസ്(എം). തെരഞ്ഞെടുപ്പിനുശേഷം നടന്ന കേരള കോണ്‍ഗ്രസിന്റെ ആദ്യ സ്റ്റിയറിംഗ് കമ്മിറ്റിയോഗത്തിലായിരുന്നു ഇത്. ബാര്‍കോഴ ആരോപണങ്ങളില്‍ കേരള കോണ്‍ഗ്രസിനെ പ്രതിസ്ഥാനത്ത് നിര്‍ത്തി, പാര്‍ട്ടി ചെയര്‍മാന്‍ കെ.എം മാണിയെ മാത്രം പ്രതിയാക്കാന്‍ ശ്രമിച്ചു തുടങ്ങിയ ആരോപണങ്ങളാണ് കോണ്‍ഗ്രസിനെതിരെ യോഗത്തിലുയര്‍ന്നത്.
ബറാബാസിനെ രക്ഷിക്കാനായി യേശുവിനെ ക്രൂശിച്ച പോലെ മാണിയെ വിവാദങ്ങളില്‍ കോണ്‍ഗ്രസ് കൂട്ടിക്കെട്ടിയെന്ന് കമ്മിറ്റിയില്‍ ചില അംഗങ്ങള്‍ പറഞ്ഞു. സ്വയം ഇല്ലാതായതിനൊപ്പം കോണ്‍ഗ്രസ് ഘടകകക്ഷികളെയും ഇല്ലാതാക്കിയെന്നും വിമര്‍ശനമുണ്ടായി. മെത്രാന്‍ കായല്‍ വിവാദത്തില്‍ പ്രതിപക്ഷ നേതാവായിരുന്ന വിഎസ് അച്യുതാനന്ദന്‍ പോലും ഉയര്‍ത്താത്ത തരത്തിലുളള ആരോപണങ്ങള്‍ കോണ്‍ഗ്രസിനകത്ത് നിന്ന് തന്നെ ഉണ്ടായി. ഇത്തരം പരാമര്‍ശങ്ങള്‍ പാര്‍ട്ടിക്ക് ദോഷം ചെയ്തു.
വിവാദങ്ങളെ പ്രതിരോധിക്കാന്‍ കോണ്‍ഗ്രസിനുള്ളില്‍ വേണ്ട ശ്രമങ്ങള്‍ ഉണ്ടായില്ലെന്നും യോഗം കുറ്റപ്പെടുത്തി. അരുവിക്കര ഉപതെരഞ്ഞെടുപ്പ് വരെ യുഡിഎഫ് പ്രവര്‍ത്തനം നല്ല രീതിയിലായിരുന്നു. എന്നാല്‍ പിന്നീടാണ് കാര്യങ്ങള്‍ മാറിമറിഞ്ഞത്.
Discussion about this post