ഡല്ഹി:ദേശീയ പണിമുടക്കുമായി ബന്ധപ്പെട്ട പിണറായി വിജയന്റെ ഫേസ്ബുക്ക് പോസ്റ്റിനെതിരെ കേന്ദ്ര നഗരവികസന മന്ത്രി വെങ്കയ്യ നായിഡു.സെപ്തംബര് രണ്ടിന് കേന്ദ്ര ട്രേഡ് യൂണിയനുകള് ആഹ്വാനം ചെയ്ത സമരത്തെ പിന്തുണച്ചുകൊണ്ടായിരുന്നു പിണറായിയുടെ ഫേസ്ബുക്ക് പോസ്റ്റ്.ഇത്തരം പ്രസ്താവനകളില് നിന്ന് പിണറായി വിജയന് മാറിനില്ക്കണമായിരുന്നുവെന്ന് ഒരു ദേശിയ മാധ്യമത്തിന് നല്കിയ അഭിമുഖത്തില് വെങ്കയ്യ വ്യക്തമാക്കി.’വിജയന് ഒരു സംസ്ഥാനത്തിന്റെ മുഖ്യമന്ത്രി ആണ് , ഒരു ഭരണഘടനാ പദവിയെ ബഹുമാനിക്കണം അതു പാലിക്കുകയും വേണം, ഒരു പ്രതിപക്ഷ നേതാവിനെ പോലെ അദ്ദേഹം പെരുമാറാന് പാടില്ലായിരുന്നു’വെങ്കയ്യ വ്യക്തമാക്കി.
കേന്ദ്രം ഇതുവരെ 246 മുതല് 350 രൂപ കാര്ഷികേതര തൊഴിലാളികളുടെ മിനിമം കൂലി വര്ദ്ധിപ്പിച്ചു. ഇത് ചരിത്രത്തിലെ ഏറ്റവും വലിയ വര്ധനവ് ആണ്. വിജയന് മുഖ്യമന്ത്രിയുടെ സ്ഥാനത്തിരുന്ന് പ്രതിപക്ഷ നേതാവിനെപോലെയാണ് സംസാരിക്കുന്നത്. ഒരു സംസ്ഥാനത്തിന്റെ മുഖ്യമന്ത്രി അങ്ങനെ നിരുത്തരവാദിത്വപരമായി സംസാരിക്കാന് പാടില്ല ‘നായിഡു പറഞ്ഞു.
കേരളത്തിലെ സര്ക്കാര് ഓഫീസുകളില് പ്രവൃത്തി ദിവസങ്ങളില് ഓണം ആഘോഷ പരിപാടികള് നിരോധിക്കുന്നതിന് വിജയന് നിര്ദ്ദേശം നല്കിയിരിക്കുകയാണ്. ഇതിനെതിരെ ശക്തമായ പ്രതിഷേധം അറിയിച്ചിട്ടുണ്ട്.കാലങ്ങളായി നിലനില്ക്കുന്ന ആചാര അനുഷ്ഠാനങ്ങളെ ബഹുമാനിക്കാന് അദ്ദേഹം തയ്യാറാവണം.കുറച്ചു ദിവസങ്ങള്ക്കു മുന്പ് അദ്ദേഹം എന്നെ ഫോണില് ബന്ധപ്പെട്ടിരുന്നു,രാഷ്ട്രപതി ഭവനില് നടക്കുന്ന ഓണാഘോഷ പരിപാടിയില് പങ്കെടുക്കണമെന്നാവശ്യപ്പെട്ടിരുന്നു.പിന്നെ എന്തിനാണ് അദ്ദേഹം കേരളത്തില് നടക്കുന്ന ഓണഘോഷങ്ങള്ക്ക് വിലക്ക് ഏര്പ്പെടുത്തണമെന്നും അദ്ദേഹം ചോദിച്ചു.രാഷ്ട്രപതി ഭവന് ഇതാദ്യമായാണ് ഓണാഘോഷ പരിപാടികള്ക്ക് വേദിയാകുന്നത്.
സമരത്തിന് പിണറായി വിജയന് പിന്തുണ ആവശ്യപ്പെടുന്നത് നിയമലംഘനമാണെന്ന് ബിജെപി സംസ്ഥാന ജനറല് സെക്രട്ടറി കെ സുരേന്ദ്രനും പറഞ്ഞു.
Discussion about this post