ഷൊര്‍ണൂര്‍: സൗമ്യവധക്കേസില്‍ പ്രോസിക്യൂഷന്‍ പ്രതിയുമായി ഒത്തുകളി നടത്തിയെന്ന് സൗമ്യയുടെ മാതാവ്. പ്രതി ഗോവിന്ദച്ചാമിക്കെതിരെ നിരവധി തെളിവുകള്‍ ഉണ്ടായിട്ടും പ്രോസിക്യൂഷന്‍ സുപ്രീംകോടതിയില്‍ മൗനം പാലിച്ചു. പാവപ്പെട്ട ഒരു പെണ്‍കുട്ടിയുടെ ജീവിതം പിച്ചിച്ചീന്തിയതിന് ശേഷം തെളിവ് ചോദിക്കുന്ന നീതി തനിക്ക് മനസിലാകുന്നില്ലെന്നും സൗമ്യയുടെ മാതാവ് പറഞ്ഞു. ഹൈകോടതിയില്‍ വാദിച്ച അഭിഭാഷകനെ സുപ്രീംകോടതിയില്‍ നിയമിക്കാത്തതിലും വീഴ്ചയുണ്ടായെന്ന് സൗമ്യയുടെ മാതാവ് വ്യക്തമാക്കി.
ഗോവിന്ദച്ചാമിയുടെ ദേഹത്തുനിന്നും സൗമ്യയുടെ മുടിയും ലഭിച്ചിരുന്നു. ഇതിലപ്പുറം എന്ത് തെളിവാണ് കോടതിയില്‍ ഹാജരാക്കാന്‍ കഴിയുക. സുപ്രീംകോടതിയില്‍ എല്ലാ തെളിവുകളും നിരത്തിയിരുന്നു. സൗമ്യയെ ട്രെയിനില്‍ നിന്ന് തള്ളിയിട്ട് കൊന്നത് ഗോവിന്ദച്ചാമിയാണെന്നതിന് തെളിവ് എവിടെയെന്ന് സുപ്രീംകോടതി ഇന്ന് പ്രോസിക്യൂഷനോട് ചോദിച്ചിരുന്നു. ഊഹാപോഹങ്ങള്‍ കോടതിയില്‍ പറയരുതെന്നും കോടതി വ്യക്തമാക്കിയ സാഹചര്യത്തിലാണ് സൗമ്യയുടെ മാതാവിന്റെ പ്രതികരണം.
Discussion about this post