കൊല്ക്കത്തയിലെ ഡോക്ടറുടെ കൊലപാതകത്തിന്റെ പശ്ചാത്തലത്തില് പ്രതികരണവുമായി നടന് ജോണ് ഏബ്രഹാം. ആണ്കുട്ടികളെ മര്യദക്ക് വളര്ത്തണമെന്ന് മാതാപിതാക്കളോട് അദ്ദേഹം ആവശ്യപ്പെട്ടു. ഇന്നത്തെ കാലത്ത് രാജ്യത്തെ യുവാക്കള്ക്ക് നടന് എന്ത് സന്ദേശമാണ് നല്കുന്നതെന്ന് ചോദിച്ചപ്പോള് ഞാന് ആണ്കുട്ടികളോട് നല്ല രീതിയില് പെരുമാറാന് പറയും, അല്ലെങ്കില് അവര് വിവരം അറിയും എന്നാണ് ജോണ് പ്രതികരിച്ചത്.
‘ആണ്മക്കളെയാണ് നന്നായി ശ്രദ്ധിച്ചുവളര്ത്തേണ്ടത് അല്ലാതെ പെണ്കുട്ടികളോട് ഒന്നും പറയാന് ഇല്ല, കാരണം അവര് എന്ത് തെറ്റാണ് ചെയ്തത്. സ്തീകളോട് എങ്ങനെ പെരുമാറണമെന്ന് ആണ്കുട്ടികളെ പഠിപ്പിക്കേണ്ടത് അവരുടെ മാതാപിതാക്കളുടെ ഉത്തരവാദിത്തമാണ്.
പെണ്കുട്ടികള് കൂടുതല് ശക്തരായി വളരട്ടെ,’ ജോണ് പറഞ്ഞു. സ്ത്രീകളും കുട്ടികളും മൃഗങ്ങളും സുരക്ഷിതരല്ല എന്ന് നേരത്തെ ഒരു പോഡ്കാസ്റ്റില് ജോണ് അഭിപ്രായപ്പെട്ടിരുന്നു. സങ്കടകരമാണ്, സ്ത്രീകളോട് എങ്ങനെ പെരുമാറണമെന്ന് പുരുഷന്മാര് മനസ്സിലാക്കണമെന്നും അതിനായി ചെറുപ്പം മുതലുള്ള പരിശീലനം അവര്ക്ക് ആവശ്യമാണെന്നും അദ്ദേഹം പറഞ്ഞിരുന്നു.
Discussion about this post