കണ്ണൂർ: സ്വർണ കള്ളക്കടത്ത്, ക്വട്ടേഷൻ കേസിലെ പ്രതി അർജുൻ ആയങ്കിക്കെതിരെ ഗുരുതര ആരോപണവുമായി ഭാര്യ അമല. അർജുൻ ആയങ്കിയും കുടുംബവും തന്നെ പീഡിപ്പിക്കുകയാണെന്നും താൻ ആത്മഹത്യ ചെയ്താൽ അതിന് കാരണം അർജുനും സുഹൃത്തുക്കളും കുടുംബവുമാണെന്നും അമല ആരോപിച്ചു. ഫേസ്ബുക്ക് ലൈവിലൂടെയാണ് അമലയുടെ ഗുരുതര ആരോപണങ്ങൾ. പോലീസ് സ്റ്റേഷനിൽ നിന്നാണ് അമല ഫേസ്ബുക്ക് ലൈവിൽ വന്നത്. സമൂഹമാദ്ധ്യമങ്ങളിലൂടെ തനിക്കെതിരെ പ്രചാരണം നടത്തുന്നതിൽ മനംനൊന്താണ് ഇപ്പോൾ ഇക്കാര്യങ്ങൾ പറയുന്നതെന്നും അമല വ്യക്തമാക്കി.
2019 ഓഗസ്റ്റിലാണ് അർജുൻ ആയങ്കിയുമായി പരിചയപ്പെടുന്നത്. പിന്നീട് പ്രണയമായി. ഒന്നരവർഷം കഴിഞ്ഞ് 2021 ഏപ്രിൽ എട്ടിനായിരുന്നു കല്യാണം. എന്നാൽ 2020 ജൂണിൽ, വിവാഹത്തിന് മുൻപ് തന്നെ കണ്ണൂരിലേക്ക് കൊണ്ടുവന്നിരുന്നു. വിവാഹത്തിന് മുൻപ് നാലുമാസത്തോളം ഒരുമിച്ച് താമസിച്ചു. ഇതിനിടെ ഗർഭിണിയായി. നിർബന്ധിച്ച് ഗർഭഛിദ്രം നടത്തി. കുഞ്ഞിനെ ഒഴിവാക്കല്ലെയെന്ന് അന്ന് ഡോക്ടറുടെ മുമ്പിൽ കരഞ്ഞ് അപേക്ഷിച്ചു. കടുത്ത രക്തസ്രാവം സഹിക്കാൻ പറ്റാത്ത അവസ്ഥയിലും മുൻ പ്രണയത്തെ കുറിച്ചാണ് അർജുൻ കാറിൽ വെച്ച് പറഞ്ഞത്. കാറിൽ നിന്ന് ചാടി മരിക്കാൻ പോലും ശ്രമിച്ചുവെന്ന് അമല പറയുന്നു.
ഗർഭച്ഛിദ്രത്തിന് വിവാഹം കഴിഞ്ഞത്. വീട്ടിലെ ജോലിക്കാരിയായാണ് കണക്കാക്കിയിരുന്നത്. തന്റെ നിറത്തെച്ചൊല്ലി അർജുന്റെ അമ്മ നിരന്തരം പരിഹസിച്ചിരുന്നു. വെളുത്ത് കഴിഞ്ഞാൽ അമ്മയ്ക്ക് ഇഷ്ടപ്പെടുമെന്ന് കരുതി ചികിത്സ വരെ തേടാൻ അർജുൻ നിർബന്ധിച്ചു. ഇതോടെ ചികിത്സ തേടിയെന്നും അമല ആരോപിച്ചു.
പ്രണയത്തിലാകുന്ന സമയത്ത് അർജുൻ ആയങ്കിയുടെ കൈയിൽ ഒരുരൂപപോലും ഉണ്ടായിരുന്നില്ല. ആത്മാർഥമായ പ്രണയമാണെന്നാണ് വിശ്വസിച്ചത്. അയാൾക്ക് ഹെഡ്സെറ്റ് പോലും വാങ്ങിനൽകിയത് താനാണ്. പലതവണ പണം നൽകി സഹായിച്ചിട്ടുണ്ടെന്ന് അമല പറയുന്നു. കാശിന് വേണ്ടിയാണ് സ്നേഹം കാണിക്കുന്നതെന്ന് അർജുന്റെ സുഹൃത്ത് പോലും പറഞ്ഞിട്ടും വിശ്വസിച്ചിരുന്നില്ല എന്നും ഇപ്പോഴും വിശ്വസിക്കുന്നില്ല എന്നും അവർ വ്യക്തമാക്കി. എന്നാൽ തന്നെ ഒരു ഭീകര ജീവിയായാണ് ഭർത്താവ് ഫേസ്ബുക്കിലൂടെ ചിത്രീകരിക്കുന്നതെന്നാണ് അമലയുടെ പരാതി. സ്വർണക്കടത്തുകേസിലും കുഴൽപ്പണക്കേസിൽ പോലും ഭർത്താവിനെതിരെ താൻ മൊഴി കൊടുത്തിരുന്നില്ല. കേസിന്റെ എല്ലാ കാര്യങ്ങളും നോക്കിയിരുന്നതും താൻ ആയിരുന്നു. അർജുൻ ആയങ്കിയുടെ അമ്മയും സഹോദരനും കാരണമാണ് ജീവിതം തകർന്നതെന്നാണ് അമലയുടെ ആരോപണം.
സ്വർണക്കടത്തുകേസിലും കുഴൽപ്പണക്കേസിൽ പോലും ഭർത്താവിനെതിരെ താൻ മൊഴി കൊടുത്തിരുന്നില്ല. കേസിന്റെ എല്ലാ കാര്യങ്ങളും നോക്കിയിരുന്നതും താൻ ആയിരുന്നു. അർജുൻ ആയങ്കിയുടെ അമ്മയും സഹോദരനും കാരണമാണ് ജീവിതം തകർന്നതെന്നാണ് അമലയുടെ ആരോപണം.












