ഇന്ധന വില വീണ്ടും കുറയുന്നു

രാജ്യത്തെ പെട്രോള്‍, ഡീസല്‍ വില വീണ്ടും കുറഞ്ഞു. ഇന്ന് പെട്രോളിന് അഞ്ച് പൈസയും ഡീസലിന് എട്ട് പൈസയുമാണ് കുറഞ്ഞത്. ഇതോടെ കൊച്ചിയില്‍ പെട്രോളിന്റെ വില 71.66 ആയി. അതേസമയം ഡീസലിന്റെ വില 67.26 രൂപയാണ്. തിരുവനന്തപുരത്ത് പെട്രോളിന് 72.94 രൂപയും ഡീസലിന് 68.56 രൂപയുമാണ് വില. കോഴിക്കോട് പെട്രോളിന്റെ വില 71.97 രൂപയും ഡീസലിന്റെ വി 67.57 രൂപയുമാണ്.

രാജ്യാന്തര വിപണിയില്‍ അസംസ്‌കൃത എണ്ണയുടെ വില കുറഞ്ഞതാണ് ഇന്ധന വില കുറയാന്‍ കാരണം. ഇന്ത്യ പ്രധാനമായും ആശ്രയിക്കുന്ന ബ്രെന്‍ഡ് ക്രൂഡിന്റെ വില ബാരലിന് 50 ഡോളറാണഅ. ഇത് കൂടാതെ അമേരിക്ക എണ്ണ ഉത്പാദനം വര്‍ധിപ്പിച്ചതും വില കുറയാന്‍ കാരണമാണ്.