മുംബൈ: ഇന്ത്യയില്‍ തല്‍ക്കാലം കൂടുതല്‍ നിക്ഷേപം നടത്തേണ്ടെന്ന് ചൈനീസ് ഭീമന്‍ ആലിബാബ തീരുമാനിച്ചതായി റിപ്പോര്‍ട്ട്. പേ ടിഎമ്മിലും സൊമാറ്റോയിലും വന്‍തോതില്‍ നിക്ഷേപം നടത്തിയിട്ടുള്ള
കോടീശ്വരനായ ജാക്ക് മായുടെ നേതൃത്വത്തിലുള്ള കമ്പനിയ്ക്ക് ഇന്ത്യയില്‍ തിരിച്ചടി നേരിടുന്നുണ്ടെന്നാണ് സൂചന. ഫഌപ്കാര്‍ട്ട്, ആമസോണ്‍ എന്നിവ ഇന്ത്യന്‍ ഓണ്‍ലൈന്‍ വിപണിയില്‍ മികച്ച വിഹിതംനേടുമ്പോള്‍ സ്‌നാപ്ഡീലും പേ ടിഎംമാളും ഇക്കാര്യത്തില്‍ പിന്നിലായതാണ് ആലിബാബയെ മറിച്ച് ചിന്തിക്കാന്‍ പ്രേരിപ്പിച്ചതെന്നു കരുതുന്നു.
പേ ടിഎം, പേ ടിഎംമാള്‍, ഭക്ഷണ വിതരണ ക്കമ്പനിയായ സൊമാറ്റോ, ഓണ്‍ലൈന്‍ ഗ്രോസറി ഷോപ്പായ ബിഗ്ബാസ്‌ക്കറ്റ്, സ്‌നാപ്ഡീല്‍, കൊറിയര്‍ കമ്പനിയായ എക്‌സ്പ്രസ്ബീസ് തുടങ്ങിയവയില്‍ ആലിബാബയ്ക്ക് നിലവില്‍ നിക്ഷേപമുണ്ട്. ഇതിനകം ഇന്ത്യയിലെ നിരവധി സ്റ്റാര്‍ട്ടപ്പുകളില്‍ നിക്ഷേപം നടത്തിയിട്ടുണ്ട്.
Discussion about this post