.തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണത്തില്‍ സി.ബി.ഐ അന്വേഷണ സംഘം കലാഭവന്‍ സോബിയുടെ മൊഴിയെടുക്കുന്നു. തിരുവനന്തപുരത്തെ സി.ബി.ഐ ഓഫീസില്‍ ഹാജരായാണ് സോബി മൊഴി നല്‍കുന്നത്. ബാലഭാസ്കറിന്റെ മരണം ആസൂത്രിത കൊലപാതകമാണെന്ന് നേരത്തെ സോബി മാദ്ധ്യമങ്ങളോട് പറഞ്ഞിരുന്നു. ഈ നിലപാടില്‍ ഉറച്ച്‌ നില്‍ക്കുന്നതായാണ് സോബി പറയുന്നത്.
അപകടസ്ഥലത്ത് കണ്ട കാര്യങ്ങളാണ് നേരത്തെ ക്രൈംബ്രാഞ്ചിനോട് പറഞ്ഞിരുന്നത്. അപകടത്തിന് മുമ്പ് നടന്ന കാര്യങ്ങള്‍ സി.ബി.ഐയോട് വിശദീകരിക്കുമെന്നും സോബി മാദ്ധ്യമങ്ങളോട് പറഞ്ഞു. രണ്ട് ദിവസം മുമ്പ് ബാലഭാസ്കറിന്റെ അച്ഛന്‍ കെ.സി ഉണ്ണിയുടെയും ബാലഭാസ്കറിന്റെ ഭാര്യ ലക്ഷ്മിയുടെയും മൊഴി സി.ബി.ഐ എടുത്തിരുന്നു. കേസിലെ മറ്റ് പല സാക്ഷികളില്‍ നിന്നും വരും ദിവസങ്ങളില്‍ സി.ബി.ഐ മൊഴിയെടുക്കും.
Discussion about this post