ആലപ്പുഴ: മുന്‍ മുഖ്യമന്ത്രിയും മുതിര്‍ന്ന സിപിഎം നേതാവുമായ വി എസ് അച്യുതാനന്ദന്റെ മുന്‍ പേഴ്സനല് സ്റ്റാഫ് അംഗം തദ്ദേശതിരഞ്ഞെടുപ്പില്‍ പാര്‍ട്ടി ഔദ്യോഗിക സ്ഥാനാര്‍ഥിക്കെതിരേ മത്സരിക്കും. പ്രതിപക്ഷ നേതാവായിരിക്കെ വിഎസ്സിന്റെ പേഴ്സനല് സ്റ്റാഫംഗമായിരുന്ന ലതീഷ് ബി ചന്ദ്രനാണ് സ്വതന്ത്രനായി സിപിഎം സ്ഥാനാര്‍ഥിക്കെതിരേ മത്സരിക്കുന്നത്. മുഹമ്മ പഞ്ചായത്തിലെ 12-ാം വാര്‍ഡില്‍ നിന്നാണ് ലതീഷ് മത്സരിക്കുന്നത്. കഴിഞ്ഞദിവസം ലതീഷ് പത്രിക നല്‍കി.
പഞ്ചായത്ത് പ്രസിഡന്റ് ജെ ജയലാലാണ് ഇവിടെ സിപിഎം സ്ഥാനാര്‍ഥി. 2006-ല്‍ വിഎസിന് സീറ്റു നിഷേധിച്ചപ്പോള്‍ ഇതിനെതിരേ പ്രകടനം നടത്തി പിണറായി വിജയന്റെ കോലം കത്തിച്ചെന്നാരോപിച്ചാണ് ലതീഷിനെ പാര്‍ട്ടിയില്‍ നിന്ന് പുറത്താക്കിയത്.
Discussion about this post