ചെറിയുള്ളിയും സവാളയും അടുക്കളയില്‍ നിന്ന് ഒരിക്കലും മാറ്റിനിര്‍ത്താന്‍ കഴിയാത്ത ഘടകങ്ങളാണ്. എല്ലാ കറികളിലും ഇവയുടെ സാന്നിധ്യമുണ്ട്. വളരെ പ്രത്യേകതകളും ആരോഗ്യഗുണങ്ങളുമുള്ള ഇവ രണ്ടും ഉള്ളി കുടുംബത്തില്‍ പെടുന്നതാണെങ്കിലും ഇവയുടെ രൂപത്തിലും വലുപ്പത്തിലും വ്യത്യാസമുണ്ട്. ഇത് ആകൃതിയില്‍ മാത്രമല്ല രുചിയിലും പ്രകടമാണ്. കൂടാതെ ഗുണങ്ങളുടെ കാര്യത്തിലും വേറിട്ടതാണ്. ഇതില്‍ ഒരുപടി മുന്നില്‍ ചെറിയുള്ളി തന്നെയാണ്.
വലിയ ഉള്ളി അഥവാ സവാളയ്ക്ക് അല്‍പ്പം കട്ടിയും കൂടുതലുണ്ട്. മാത്രമല്ല അല്‍പ്പം മധുരരസവും ഇവയ്ക്കുണ്ട്. പല നിറത്തിലാണ് സവാളകളുള്ളത്. യെല്ലോ ഒനിയന്‍, റെഡ് ഒനിയന്‍, വൈറ്റ് ഒനിയന്‍ എന്നിങ്ങനെ പലതരത്തിലാണ് ഇവ.
എന്നാല്‍ ചെറിയ ഉള്ളി വലിപ്പത്തില്‍ സവാളയെ താരതമ്യം ചെയ്യുമ്പോള്‍ അല്‍പ്പം കുഞ്ഞനാണെങ്കിലും അത്ര ചില്ലറക്കാരനല്ല. സവാളയേക്കാള്‍ മിടുക്കനാണ് ചെറിയ ഉള്ളിയെന്നാണ് ആരോഗ്യമേഖലയിലുള്ള വിദഗ്ധര്‍ പറയുന്നത്. സവാളയേക്കാള്‍ കൂടുതല്‍ കലോറി ചെറിയുള്ളിയില്‍ അടങ്ങിയിട്ടുണ്ട്.100 ?ഗ്രാം ഉള്ളിയില്‍ ഏകദേശം 40 കലോറിയാണുള്ളത്. ചെറിയുള്ളിയില്‍ ഇത് 72 കലോറിയാണ്. 100 ?ഗ്രാം ചെറിയുള്ളിയില്‍ 2.6 ?ഗ്രാം ഫൈബര്‍ ഉള്ളപ്പോള്‍ ഉള്ളിയില്‍ അത് 1.7 ?ഗ്രാം ആണ്. അധികമായുള്ള ഫൈബര്‍ ദഹനത്തെ സഹായിക്കുകയും വയറ് നിറഞ്ഞിരിക്കുകയാണെന്ന തോന്നല്‍ കൂടുതല്‍ നേരം നല്‍കുകയും ചെയ്യുന്നു. ചുവന്ന ഉള്ളിയില്‍ ആന്റി ഓക്‌സിഡന്റ് ധാരാളം അടങ്ങിയിട്ടുണ്ട്. ഹൃദയത്തിന്റെ ആരോഗ്യത്തിനും ചുവന്ന ഉള്ളി നല്ലതാണ്.
ഉള്ളിയും ചെറിയുള്ളിയും വൈറ്റമിന്‍ സിയുടെ കലവറ കൂടിയാണ്. 100 ഗ്രാം ചെറിയുള്ളിയില്‍ 8.4 മില്ലി ഗ്രാം വൈറ്റമിന്‍ സി അടങ്ങിയിട്ടുണ്ട്. ഉള്ളിയില്‍ ഇത് 7.4 മില്ലി ഗ്രാം ആണ്. പ്രതിരോധ ശക്തി ഒന്നുകൂടെ ശക്തമാക്കണമെന്ന് തോന്നുകയാണെങ്കില്‍ ചെറിയുള്ളിയാണ് ഉള്ളിയേക്കാള്‍ നല്ലത്. കൂടാതെ രണ്ടും ആന്റി ഓക്‌സിഡന്റുകളാലും സമ്പന്നമാണ്. ക്യാന്‍സറിനെ പ്രതിരോധിക്കാനുള്ള ഘടകം ചെറിയറിയുള്ളിയില്‍ കൂടുതലാണ്.
സവാള അരിയുമ്പോള്‍ കണ്ണുനിറയുന്നത് സാധാരണ സംഭവമാണ്. ഇത് ഒഴിവാക്കാനായി ഇങ്ങനെ ചെയ്തുനോക്കൂ., സവാള തൊലികളഞ്ഞ് കഴുകി വൃത്തിയാക്കി രണ്ടാക്കി മുറിച്ച ശേഷം 10 മിനിറ്റ് വെള്ളത്തിലിട്ടുവെക്കുക. ഇതുവഴി സവാളയില്‍ നിന്ന് ഗ്യാസ് പുറത്തേക്ക് പോകുന്നത് തടയുന്നു. ശേഷം കനം കുറച്ച് അരിയാം. കഴുകി വൃത്തിയാക്കിയ സവാള ഒരു കണ്ടെയ്‌നറില് അടച്ച് 10 മിനിറ്റ് ഫ്രിജില്‍ വയ്ക്കാം.
Discussion about this post