തിരുവനന്തപുരം: കാന്തപുരത്തിന്റെ ശബ്ദ സവിശേഷതയാല്‍ ഏഴ് സൗണ്ട് ബോക്‌സുകള്‍ കത്തിപ്പോയി എന്ന മുള്ളൂര്‍ക്കര മുഹമ്മദലി സഖാഫിയുടെ പ്രസംഗം ശരിക്കും കാന്തപുരത്തിന് വിനയായി മാറിയിരിക്കയാണ്. ഈ സാക്ഷ്യമാണിപ്പോള്‍ സോഷ്യല്‍ മീഡിയയില്‍ വൈറലാകുന്നത്. സഖാഫിയുടെ പ്രസംഗം കാത്തിരുന്ന ട്രോളന്മാര്‍ ആഘോഷമാക്കുകയായിരുന്നു. കാന്തപുരം എപി അബൂബക്കര്‍ മുസ്ലിയാരുടെ പ്രസംഗത്തിന്റെ കാന്തിക ശബ്ദം കാരണം ഏഴ് സൗണ്ട് ബോക്‌സുകള്‍ കരിഞ്ഞു പോയി എന്നാണ് ഒരു സഖാഫി പ്രസംഗിച്ചത്.
കാന്തപുരത്തെ പുകഴ്ത്താനാണ് അദ്ദേഹം ഉദ്ദേശിച്ചത്. എന്നാല്‍ സംഭവിച്ചതോ നേരെ വിപരീതമായും. തള്ള് കാരണം ട്രോളുകള്‍ പെരുകുകയാണ്. കാന്തപുരത്തിന് ശരിക്കും പണി കിട്ടിയ അവസ്ഥയിലാണ് ഈ ട്രോളുകളുടെ ബഹളം. മഴത്തുള്ളിയുടെ വേഗം കുറക്കുന്ന പടച്ചോനെ കുറിച്ച് പ്രസംഗിച്ച പണ്ഡിതനും സ്വര്‍ഗത്തില്‍ പോയി കര്‍ത്താവിനെ കണ്ട് സംസാരിച്ച് തിരിച്ചുവന്ന ഷാരോണിനും പിന്നാലെയാണ് സോഷ്യല്‍ മീഡിയയ്ക്ക് ട്രോളാന്‍ പുതിയ കഥാപാത്രമായി കാന്തപുരത്തെ ലഭിച്ചിരിക്കുന്നത്.
മുള്ളൂര്‍ക്കര മുഹമ്മദലി സഖാഫിയാണ് കാന്തപുരത്തിന്റെ ശബ്ദ സവിശേഷതയാല്‍ ഏഴ് സൗണ്ട് ബോക്‌സുകള്‍ കത്തിപോയത് സദസ്സിനോട് വിശദീകരിച്ചത്. ഒരു പ്രഭാഷണ പരിപാടിയില്‍ പങ്കെടുക്കേണ്ട കാന്തപുരം ഉസ്താദ് നിശ്ചയിച്ച സമയത്ത് എത്താന്‍ കഴിയാതെ രാത്രി 12 മണിയോടെയാണ് സംഭവസ്ഥലത്തെത്തുന്നത്. പിന്നീട് ആ സമയത്ത് നടത്തിയ പ്രസംഗത്തില്‍ കാന്തപുരത്തിന്റെ കാന്തിക ശബ്ദത്തിന്റെ ഫലമായി ഏഴ് സൗണ്ട് ബോക്‌സുകള്‍ കരിഞ്ഞുപോയതായാണ് സഖാഫി പറയുന്നത്. സോഷ്യല്‍ മീഡിയയില്‍ പെരുകുന്ന ട്രോളുകള്‍ കാണാം.
Discussion about this post