തിരുവനന്തപുരം: ഇന്നലെ ബംഗാള്‍, ഇന്ന് ത്രിപുര, നാളെ കേരളം എന്ന അവസ്ഥയിലാണ് കാര്യങ്ങളെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍. കേരളത്തിലെ സാഹചര്യങ്ങള്‍ ബിജെപിക്ക് അനുകൂലമായി വരികയാണെന്നും സിപിഎം നാളെ കേരളത്തില്‍ ഒറ്റപ്പെടുമെന്നും കുമ്മനം പറഞ്ഞു. കഴിഞ്ഞ നിയമസഭ തിരഞ്ഞെടുപ്പില്‍ ബിജെപി കേരളത്തില്‍ അക്കൗണ്ട് തുറന്നിരുന്നു. ത്രിപുര തിരഞ്ഞെടുപ്പില്‍ ബിജെപിയ്ക്കല്ലാതെ മറ്റൊരു പാര്‍ട്ടിക്കും ഒരു നേട്ടവും ഉണ്ടാക്കാനായില്ലെന്നും കുമ്മനം അഭിപ്രായപ്പെട്ടു. കൂടാതെ ബിഡിജെഎസുമായി സഖ്യമുണ്ടാക്കിയതിന് ശേഷം കഴിഞ്ഞ നിയമസഭ തിരഞ്ഞെടുപ്പില്‍ ആറിടത്ത് ബിജെപി സ്ഥാനാര്‍ത്ഥികള്‍ രണ്ടാമതെത്തിയ കാര്യവും കുമ്മനം ചൂണ്ടിക്കാട്ടി.
Discussion about this post