ഡല്‍ഹി: ഉത്തര്‍പ്രദേശില്‍ 24 മണിക്കൂറിനിടെ പൊലീസ് നടത്തിയ ആറ് ഏറ്റുമുട്ടലില്‍ രണ്ട് കുറ്റവാളിള്‍ കൊല്ലപ്പെട്ടു. യോഗി ആദിത്യനാഥ് അധികാരത്തിലെത്തിയ ശേഷം 43 കുറ്റവാളികളെയാണ് പൊലീസ് ഏറ്റുമുട്ടലിലൂടെ വധിച്ചത്
കുറ്റം ചെയ്തവര്‍ ശിക്ഷിക്കപ്പെടുമെന്ന യോഗി ആദിത്യനാഥിന്റെ പ്രഖ്യാപനത്തിന് പിന്നാലെ യുപിയില്‍ 1200 ഏറ്റുമുട്ടലുകളില്‍ 40 പേരാണ് കൊല്ലപ്പെട്ടത്. തോക്കുമായെത്തിയ കുറ്റവാളികളെയാണ് പോലിസ് ഏറ്റുമുട്ടലിലൂടെ വധിച്ചത്. നോയിഡയില്‍ കുറ്റവാളികള്‍ക്കായുള്ള തെരച്ചിലിനൊടുവിലാണ് ഒരു ലക്ഷം രൂപ ഇനാം പ്രഖ്യാപിച്ച ശ്രാവണ്‍ ചൗധരിയെ ഏറ്റുമുട്ടലിലൂടെ പൊലീസ് വധിച്ചത്.
രണ്ട് പൊലീസുകാര്‍ക്ക് പരിക്കേറ്റു. എ കെ 47 തോക്കും പൊലീസ് പിടിച്ചെടുത്തു. സഹാറന്‍പൂരില്‍ പണം മോഷ്ടിച്ച് ബൈക്കില്‍ പോകുകയായിരുന്ന അഹ്‌സനെ പൊലീസ് തടഞ്ഞ് നിര്‍ത്തിയാണ് നേരിട്ടത്. ചെക്‌പോസ്റ്റിലെ പൊലീസുകാര്‍ക്കുനേനെ വെടിവച്ച അഹ്‌സനെ ഏറ്റുമുട്ടലിലൂടെ കീഴടക്കി. ആശുപത്രിയിലേക്ക് കൊണ്ടുപോകും വഴിയാണ് അഹ്‌സന്‍ മരിച്ചത്. ഗാസിയാബാദില്‍ രാഹുല്‍, സോനു എന്നിവരെ ഏറ്റുമുട്ടലിനൊടുവില്‍ പൊലീസ് അറസ്റ്റ് ചെയ്തു. കൃത്യത്തിനിടെ രണ്ട് പൊലീസുകാര്‍ക്ക് പരിക്കേറ്റു. മുസാഫര്‍ നഗറില്‍ 10 ക്രിമിനല്‍ കേസുകളില്‍ പ്രതിയായ ജാവേദ്, റഹീസ് എന്നിവരേയും ഏറ്റുമുട്ടലിലൂടെ പൊലീസ് കീഴടക്കി. യുപിയില്‍ കഴിഞ്ഞമാസം 48 മണിക്കൂറിനിടെ പൊലീസ് നടത്തിയ 18 ഏറ്റുമുട്ടലുകളില്‍ 24 പ്രതികളെ അറസ്റ്റ് ചെയ്യുകയും ഒരാളെ വധിക്കുകയും ചെയ്തിരുന്നു. ഈ മാസം മാത്രം 10പേരെയാണ് യുപി പൊലീസ് ഏറ്റുമുട്ടലില്‍ വധിച്ചത്.
Discussion about this post