ഇന്ധന വില ഇരുപതാം ദിവസവും കുറഞ്ഞു: പെട്രോളിന് 22ഉം ഡീസലിന് 19ഉം പൈസ കുറഞ്ഞു

രാജ്യത്തെ ഇന്ധന വില തുടര്‍ച്ചയായി ഇരുപതാം ദിവസവും കുറഞ്ഞു. പെട്രോളിന് 22 പൈസയും ഡീസലിന് 19 പൈസയുമാണ് കുറഞ്ഞത്.

ഇതോടെ കൊച്ചിയില്‍ ഒരു ലിറ്റര്‍ പെട്രോളിന് ഇന്നത്തെ വില 80.16 രൂപയാണ്. അതേസമയം ഡീസലിന്റെ വില 76.67 രൂപയാണ്. തിരുവനന്തപുരത്ത് പെട്രോളിന് 81.58 രൂപയും ഡീസലിന് 78.15 രൂപയുമാണ്. ഇരുപത് ദിവസങ്ങള്‍ കൊണ്ട് രാജ്യത്ത് പെട്രോളിന്റെ വില അഞ്ച് രൂപയിലേറെയാണ് കുറഞ്ഞത്.

ആഗോള വിപണിയില്‍ അസംസ്‌കൃത എണ്ണയുടെ വില കുറഞ്ഞതാണ് ഇന്ധന വില കുറയാന്‍ കാരണം. ബാരലിന് 71 ഡോളറാണ് അസംസ്‌കൃത എണ്ണയുടെ വില.