സുല്‍ത്താന്‍പുര്‍: ആറാംഘട്ട വോട്ടെടുപ്പിനിടെ ഉത്തര്‍പ്രദേശിലെ സുല്‍ത്താന്‍പുരില്‍ കേന്ദ്രമന്ത്രിയും ബി.ജെ.പി സ്ഥാനാര്‍ഥിയുമായ മനേകാ ഗാന്ധിയും മഹാഗഡ്ബന്ധന്‍ സ്ഥാനാര്‍ഥിയായ സോനു സിങ്ങും തമ്മില്‍ വാക്ക് തര്‍ക്കം.സോനുവിന്റെ അണികള്‍ വോട്ടര്‍മാരെ ഭീഷണിപ്പെടുത്തുന്നുവെന്നന്നത് ചോദ്യം ചെയ്ത് മനേകാ ഗാന്ധി രംഗത്തെത്തുകയായിരുന്നു. എന്നാല്‍ സോനു സിംഗ് ഇക്കാര്യം നിഷേധിച്ച് രംഗത്തെത്തുകയായിരുന്നു.
സോനു സിംഗിനെ അടുക്കലേക്ക് വിളിച്ചു വരുത്തി’ഗുണ്ടായിസം ഇവിടെ നടക്കില്ല’ എന്നു മനേകാ ഗാന്ധി പറയുന്നതു വാര്‍ത്താ ഏജന്‍സിയായ എ.എന്‍.ഐ പുറത്തുവിട്ട വീഡിയോയില്‍ കാണാം. എന്നാല്‍ ആരോപണങ്ങള്‍ നിഷേധിച്ച സോനു, താന്‍ എന്താണു തെറ്റായി ചെയ്തതെന്നു ചോദിക്കുന്നു. തുടര്‍ന്ന് സോനുവിന്റെ ഒപ്പമുണ്ടായിരുന്നവര്‍ മുദ്രാവാക്യം വിളിക്കുകയും അതിനുശേഷം ഇരുകൂട്ടരും പിരിഞ്ഞുപോകുകയും ചെയ്തു.
#WATCH: Minor argument between Union Minister and BJP's candidate from Sultanpur Maneka Gandhi and Mahagathbandhan candidate Sonu Singh after Gandhi alleged that Singh's supporters were threatening voters. #LokSabhaElections #Phase6 pic.twitter.com/l2Pn1yCRVO
— ANI UP/Uttarakhand (@ANINewsUP) May 12, 2019
പിലിഭത്തിലെ സിറ്റിങ് എം.പിയായ മനേകാ ഗാന്ധി ഇത്തവണ മത്സരിക്കുന്നതു മകന്‍ വരുണ്‍ ഗാന്ധിയുടെ സിറ്റിങ് സീറ്റായ സുല്‍ത്താന്‍പുരിലാണ്.
Discussion about this post