ജമ്മുകാശ്മീരില്‍ വന്‍ ഭീകരാക്രമണത്തിനായി തയ്യാറാക്കിയ പദ്ധതി തകര്‍ത്ത് പോലീസ്. തീവ്രവാദ സംഘടനായ ഹിസ്ബുള്‍ മുജാഹിദിന്റെ ഭാഗമായവര്‍ എന്ന് വിവരം ലഭിച്ചതിനെ തുടര്‍ന്ന് അഞ്ചുപേരെ പോലീസ് അറസ്റ്റ് ചെയ്തിരുന്നു. ഇവരെ ചോദ്യം ചെയ്തതില്‍ നിന്നാണ് ഭീകരാക്രമണ പദ്ധതിയെക്കുറിച്ചുള്ള വിവരങ്ങള്‍ വെളിപ്പെട്ടത്.
രഹസ്യ വിവരത്തെ തുടര്‍ന്ന് ആഖിബ് നാസിര്‍ റാത്തര്‍, അമീര്‍ മജീദ് വാണി, സമീര്‍ അഹമ്മദ് ഭട്ട്, ഫൈസല്‍ ഫാറൂഖ് അഹങ്ങെര്‍, റായിസ് അഹമ്മദ് ഗനി എന്നിവരെയാണ് ജമ്മുകശ്മീര്‍ പോലിസ് ചൊവ്വാഴ്ച പിടികൂടിയത്. ഇവരുടെ പക്കല്‍ നിന്നും സ്ഫോടനത്തിനായി തയ്യാറാക്കിയ ഐ.ഇ.ഡി കണ്ടെടുത്തിട്ടുണ്ട് എന്നാണു റിപ്പോര്‍ട്ട്.
കശ്മീരിലെ സുരക്ഷാസേനയ്ക്ക് നേരെയുള്ള ആക്രമണം നടത്തുന്നതിനായി തീവ്രവാദികള്‍ക്ക് ഇവര്‍ സഹായങ്ങള്‍ എത്തിച്ചിട്ടുണ്ട് എന്നാണ് റിപ്പോര്‍ട്ടുകള്‍. വലിയ ആക്രമണങ്ങള്‍ സുരക്ഷാസേനയ്ക്ക് നേരെ നടത്തുവാനുള്ള പദ്ധതി ഇവര്‍ തയ്യാറാക്കിയിരുന്നു. ഇവര്‍ പിടിയിലായതോടെ ഭീകരാക്രമണ പദ്ധതി പൊളിഞ്ഞു.
പാക് ഭീകര സംഘടനകളായ ലഷ്‌കര്‍ ഇ തോയ്ബ, ജെയ്‌ഷെ മുഹമ്മദ് എന്നിവര്‍ ബാരാമുള്ള, കുപ്‌വാര- ശ്രീനഗര്‍ ഹൈവേ എന്നിവിടങ്ങളിലും നിയന്ത്രണ രേഖയ്ക്ക് സമീപം വിന്യസിച്ചിരിക്കുന്ന സൈനികരെ ലക്ഷ്യമിട്ടും ആക്രമണങ്ങള്‍ ഉണ്ടാകാമെന്ന് രഹസ്യാന്വേഷണ ഏജന്‍സികള്‍ക്ക് വിവരം ലഭിച്ചിട്ടുണ്ട്.
Discussion about this post