മുംബൈ: മുംബൈയില്‍ ലഹരി മരുന്നുമായി വിദേശി അറസ്റ്റില്‍. 1.3 കിലോ കൊക്കെയ്നുമായി ഐവറികോസ്റ്റ് പൗരനാണ് പിടിയിലായത്. മുംബൈയിലെ സാകി നക മേഖലയില്‍ നിന്നാണ് ഇയാളെ പിടികൂടിയത്.
പോലീസ് പെനിന്‍സുല ഹോട്ടലിനു സമീപത്ത് നടത്തിയ പരിശോധനയിലാണ് ഇയാള്‍ അറസ്റ്റിലായത്. അല്ലാ കൗവാഡിയൊ ബോറിസ് എന്ന 42കാരനാണ് പിടിയിലായതെന്ന് പോലീസ് പറഞ്ഞു. മുംബൈയുടെ പടിഞ്ഞാറന്‍ അതിര്‍ത്തി പ്രദേശങ്ങളില്‍ കൊക്കെയ്ന്‍ വിതരണം ചെയ്തിരുന്ന ഇയാള്‍ യുവാക്കളെയാണ് ലക്ഷ്യമിട്ടിരുന്നത്.
220 ഗ്രാം കൊക്കെയ്നാണ് ഇയാളുടെ പക്കല്‍ നിന്നും പോലീസ് പിടിച്ചെടുത്തത്. ഇയാള്‍ക്കെതിരെ കേസെടുത്ത് അന്വേഷണം ആരംഭിച്ചിട്ടുണ്ട്.
Discussion about this post