ഡല്‍ഹി: ഹിസ്ബുള്‍ മുജാഹിദീന്‍ ഭീകരര്‍ക്കൊപ്പം ഡല്‍ഹിയിലേക്ക് യാത്ര ചെയ്യുന്നതിനിടെ അറസ്റ്റിലായ ജമ്മു കശ്മീര്‍ പോലീസ് ഉദ്യോഗസ്ഥന്‍ ദേവീന്ദര്‍ സിംഗിന്റെ ഭീകര ബന്ധം എന്‍.ഐ.എ അന്വേഷിക്കും. ഇയാള്‍ക്ക് ഭീകര ബന്ധമുണ്ടെന്ന് പോലീസ് സ്ഥിരീകരിച്ചിട്ടുണ്ട്. ശനിയാഴ്ച ഹിസ്ബുള്‍ ഭീകരര്‍ക്കൊപ്പം ഡല്‍ഹിയിലേക്ക് യാത്ര ചെയ്യുന്നതിനിടെയാണ് ദേവീന്ദര്‍ സിംഗ് പിടിയിലായത്.
യാത്രയില്‍ ഒപ്പമുണ്ടായിരുന്ന ഹിസ്ബുള്‍ ഭീകരര്‍ നവീദ് ബാബുവിനെയും സംഘത്തെയും കശ്മീര്‍ അതിര്‍ത്തി കടക്കാന്‍ ദേവീന്ദര്‍ സിംഗ് സഹായിക്കുകയായിരുന്നുവെന്ന് പോലീസ് വ്യക്തമാക്കി. ഇതിനായി ദേവീന്ദര്‍ സിംഗ് ഭീകരവാദികളില്‍ നിന്ന് പണം കൈപ്പറ്റിയതായും റിപ്പോര്‍ട്ടുകളുണ്ട്. ബാനിഹാള്‍ തുരങ്കം കടക്കുന്നതിന് 12 ലക്ഷം രൂപയാണ് ദേവീന്ദര്‍ സിംഗ് ഭീകരരില്‍ നിന്നും വാങ്ങിയത്. ദേവീന്ദര്‍ സിംഗിന്റെ വീട്ടില്‍ നടത്തിയ പരിശോധനയില്‍ അഞ്ച് ഗ്രനേഡുകളും മൂന്ന് എ.കെ 47 തോക്കുകളും പിടിച്ചെടുത്തിരുന്നു.
Discussion about this post