റിപ്പബ്ലിക് ദിനത്തിൽ ജലസംരക്ഷണത്തിനു വേണ്ടി ജനങ്ങളോട് ആഹ്വാനം ചെയ്ത് പ്രധാനമന്ത്രി നരേന്ദ്രമോഡി.മൻ കി ബാത് പരിപാടിയിൽ ജനങ്ങളോട് സംവദിക്കുകയായിരുന്നു പ്രധാനമന്ത്രി. ജലസംരക്ഷണത്തിന് ഊന്നൽ കൊടുത്ത് പ്രവർത്തിക്കാൻ ആഹ്വാനം ചെയ്ത പ്രധാനമന്ത്രി, ജലസമ്പത്തിന്റെ സംരക്ഷണത്തിനായി നിരവധി പദ്ധതികൾ രാജ്യമെമ്പാടും നടപ്പാക്കുമെന്നും, ശുദ്ധജലം സംരക്ഷിക്കാൻ ജനങ്ങളുടെ പങ്കാളിത്തമുണ്ടാവണമെന്നും അഭ്യർത്ഥിച്ചു. ജലം സംരക്ഷിക്കാൻ നിങ്ങൾക്കു ചുറ്റും പ്രവർത്തിക്കുന്നവരെ സമൂഹമാധ്യമങ്ങളുടെ ശ്രദ്ധയിൽ കൊണ്ടുവരാനും, അത്തരക്കാരുടെ ചിത്രങ്ങളും വീഡിയോകളും ഷെയർ ചെയ്യാനും പ്രധാനമന്ത്രി ജനങ്ങളോട് ആവശ്യപ്പെട്ടു.
രാജസ്ഥാനിലെ ജലോറിലുള്ള മാലിന്യം നിറഞ്ഞ ഒരു പടിക്കിണർ ജനങ്ങൾ പുനരുദ്ധാരണം നടത്തിയതിലും, യു.പിയിലെ ബാരാബങ്കിയിലെ സരാഹി തടാകം ശുദ്ധീകരിച്ചതിലും ആഹ്ലാദം പ്രകടിപ്പിച്ച പ്രധാനമന്ത്രി, ഇന്ത്യയുടെ ‘ജലശക്തി അഭിയാൻ ‘ വൻ വിജയമാക്കിയതിന് ജനങ്ങളോട് നന്ദി പ്രകടിപ്പിക്കാനും മറന്നില്ല.
Discussion about this post