ഇന്ന് നടക്കുന്ന അണ്ടർ 19 വിഭാഗത്തിൽപ്പെട്ട ലോകകപ്പ് ക്രിക്കറ്റ് ഫൈനലിൽ, ഇന്ത്യയും ബംഗ്ലാദേശും ഏറ്റുമുട്ടും. ഉച്ചയ്ക്ക് 1:30 ഓടെയാണ് കളി ആരംഭിക്കുക. ബിസിസിഐ പുറത്തുവിട്ട വീഡിയോയിൽ ക്യാപ്റ്റൻ വിരാട് കോഹ്ലി അടക്കം ഇന്ത്യൻ ക്രിക്കറ്റ് ടീമംഗങ്ങൾ എല്ലാവരും യുവതലമുറയ്ക്ക് ആശംസകൾ നേർന്നു. നിലവിൽ അണ്ടർ 19 ലോകകപ്പ് ചാമ്പ്യന്മാരായ ഇന്ത്യൻ ടീമിന് സർവ്വ വിധ മംഗളങ്ങളും നേർന്നു കൊണ്ട് ഇന്ത്യൻ ക്രിക്കറ്റ് ടീം രംഗത്തെത്തി.
ഇതുവരെ നാലു വട്ടം ഇന്ത്യ കപ്പ് നേടിയിട്ടുണ്ട്. യുവരാജ് സിങ് മുതൽ വിരാട് കോഹ്ലി വരെ പഴയ അണ്ടർ 19 ടീമിൽ മികച്ച പ്രകടനം കാഴ്ചവച്ചവരെല്ലാം, പിൽക്കാലത്ത് ഇന്ത്യൻ ക്രിക്കറ്റ് ടീമിലെ മിന്നും താരങ്ങളായി മാറിയിട്ടുണ്ട്.
