കമൽഹാസൻ നായകനാകുന്ന ശങ്കറിന്റെ ബ്രഹ്മാണ്ഡ ചിത്രമായ ഇന്ത്യൻ 2 ന്റെ ഷൂട്ടിംഗ് ലൊക്കേഷനിൽ ഉണ്ടായ അപകടത്തിൽ മൂന്നു പേർ മരിച്ചു.ചിത്രീകരണത്തിനു വേണ്ടി സെറ്റ് തയ്യാറാക്കുന്നതിനിടെ ക്രെയിൻ മറിഞ്ഞു വീണാണ് അപകടമുണ്ടായത്.
സഹ സംവിധായകൻ കൃഷ്ണ, ചന്ദ്രൻ, ലൊക്കേഷൻ തൊഴിലാളിയായ മധു എന്നിവരാണ് മരിച്ചത്.150 അടി ഉയരമുള്ള കൂറ്റൻ ക്രെയിൻ, സംവിധായകൻ അടക്കമുള്ളവർ ഇരുന്നിരുന്ന ടെന്റിനു മുകളിലേക്ക് മറിഞ്ഞു വീഴുകയായിരുന്നു. സംവിധായകൻ ശങ്കറിന് പരിക്കേറ്റതായും ആദ്യം വാർത്തകളുണ്ടായിരുന്നെങ്കിലും ഔദ്യോഗികവൃത്തങ്ങൾ പിന്നീടത് നിഷേധിക്കുകയായിരുന്നു.
Discussion about this post