വടക്കു കിഴക്കൻ ഡൽഹിയിലെ കലാപങ്ങളിൽ പരിക്കേറ്റവരുടെ മരണസംഖ്യ ഉയരുന്നു. ഇതുവരെ 42 പേർ മരിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു.
അതേസമയം കഴിഞ്ഞ 36 മണിക്കൂറുകളിൽ അനിഷ്ട സംഭവങ്ങളൊന്നും രേഖപ്പെടുത്താത്ത അതിനാൽ വെള്ളിയാഴ്ച നില നിന്നിരുന്ന നിരോധനാജ്ഞയിൽ 10 മണിക്കൂർ ഇളവു പ്രഖ്യാപിക്കുമെന്ന് കേന്ദ്ര മന്ത്രാലയം അറിയിച്ചു.
കലാപങ്ങൾക്ക് ആഹ്വാനം ചെയ്തതിനും പങ്കെടുത്തതിനുമായി ഏതാണ്ട് 514 പേരെ ഡൽഹി പൊലീസ് കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്തു വരികയാണെന്ന് പൊലീസ് വൃത്തങ്ങൾ അറിയിച്ചു. പത്രക്കാരോടും ജനങ്ങളോടും കലാപത്തിന്റെ വീഡിയോ ദൃശ്യങ്ങളടക്കമുള്ള തെളിവുകൾ നൽകാനും സാക്ഷിമൊഴികൾ രേഖപ്പെടുത്താനും വേണ്ടി മുന്നോട്ട് വരാൻ ഡൽഹി പോലീസ് അഭ്യർത്ഥിച്ചിട്ടുണ്ട്.
