രാജ്യത്തെ എല്ലാ സർവകലാശാലകളിലെയും പരീക്ഷകൾ മാറ്റിവയ്ക്കണമെന്ന് യുജിസി നിർദ്ദേശം പുറപ്പെടുവിച്ചു.കോവിഡ്-19 ഭീതി പടർന്നു പിടിക്കുന്ന സാഹചര്യത്തിലാണ് ഈ നിർദേശം. ഈ മാസം അവസാനം വരെ മൂല്യനിർണയ ക്യാമ്പുകളും നടത്തരുതെന്നും യുജിസി നിർദേശിച്ചിട്ടുണ്ട്.
ഇതോടെ, കേരളത്തിൽ നടത്താനിരുന്ന സർവ്വകലാശാല പരീക്ഷകളും മാറ്റുമെന്ന് ഉറപ്പായി. എസ്എസ്എൽസി,പ്ലസ്ടു പരീക്ഷകൾക്കൊപ്പം സർവ്വകലാശാല പരീക്ഷകളും നടത്താനായിരുന്നു സംസ്ഥാന സർക്കാർ നേരത്തെ തീരുമാനിച്ചിരുന്നത്.
