ക്വാറന്റൈൻ മുദ്ര പതിപ്പിക്കാൻ മായാത്ത മഷിയുപയോഗിക്കാൻ അനുവാദം നൽകി ഇലക്ഷൻ കമ്മീഷൻ.ഐസൊലേഷനിലും ഹോം ക്വാറന്റൈനിലും കിടക്കുന്ന രോഗികൾ ചാടിപ്പോവുന്നത് തടയാനുള്ള ഫലപ്രദമായ മാർഗം, അവരുടെ കൈയിൽ മുദ്ര പതിപ്പിക്കുകയാണ്.പക്ഷേ, സംസ്ഥാന സർക്കാരുകൾ ഉപയോഗിക്കുന്ന മഷി അധിക കാലം നിൽക്കില്ലായിരുന്നു.തെരഞ്ഞെടുപ്പിന് ഉപയോഗിക്കുന്ന മഷിയുപയോഗിച്ച് മുദ്ര പതിപ്പിക്കുക എന്നതു മാത്രമായിരുന്നു അവശേഷിക്കുന്ന മാർഗം.
എന്നാൽ,മായാത്ത മഷിയുപയോഗിക്കാൻ നിരവധി നിയമ തടസങ്ങൾ നിലനിൽക്കുന്നുണ്ടായിരുന്നു.പക്ഷേ,സന്ദർഭത്തിന്റെ ഗൗരവം തിരിച്ചറിഞ്ഞ തിരഞ്ഞെടുപ്പ് കമ്മീഷൻ, ബുധനാഴ്ച മുതൽ ആരോഗ്യ വകുപ്പിലെ ഉദ്യോഗസ്ഥർക്ക് മഷി ഉപയോഗിക്കാനുള്ള അനുവാദം നൽകി.
ക്വാറന്റൈന് മാത്രമേ ഈ മഷി ഉപയോഗിക്കാൻ പാടുള്ളൂ,ഒരു കാരണവശാലും രോഗിയുടെ ഇടതു കൈയിലോ,വിരലുകളിലോ ഈ മഷിയുപയോഗിച്ചു മുദ്ര പതിപ്പിക്കരുത്, മുദ്ര പതിപ്പിക്കുന്ന വ്യക്തികളുടെ കൃത്യമായ വിവരങ്ങൾ സൂക്ഷിക്കണം എന്നിങ്ങനെ അനുവാദത്തോടൊപ്പം ചില നിബന്ധനകളും തിരഞ്ഞെടുപ്പ് കമ്മീഷൻ മുന്നോട്ടു വച്ചിട്ടുണ്ട്.
Discussion about this post