കോവിഡ് വിരുദ്ധ പോരാട്ടത്തിൽ സാമൂഹിക അകലം എന്നുള്ള പ്രയോഗം ഒഴിവാക്കി പകരം ശാരീരിക അകലമെന്ന് പ്രയോഗിക്കണമെന്ന് കേന്ദ്രസർക്കാർ.സാമൂഹിക അകലം എന്ന പദം സമൂഹത്തിൽ നിന്ന് അകലം പാലിക്കുക എന്നൊരു സന്ദേശമാണ് ജനങ്ങൾക്ക് നൽകുന്നത്.എന്നാൽ, യഥാർത്ഥത്തിൽ ഇതുകൊണ്ട് ഉദ്ദേശിക്കുന്നത് രണ്ടു വ്യക്തികൾ തമ്മിൽ പാലിക്കേണ്ട അകലമാണെന്ന് കേന്ദ്രസർക്കാർ വ്യക്തമാക്കി. പദങ്ങളിലുള്ള അർത്ഥവ്യത്യാസം മൂലം ജനങ്ങൾക്കുണ്ടാകുന്ന തെറ്റിദ്ധാരണ തിരുത്താനാണ് സാമൂഹിക അകലം എന്ന പദം ഉപയോഗിക്കുന്നത്.കേന്ദ്രമന്ത്രാലയം മറ്റു വകുപ്പുകളോടും കോവിഡ് വിരുദ്ധ പോരാട്ടത്തിൽ ഏർപ്പെട്ടിരിക്കുന്നവരോടും ഇനിമുതൽ ശാരീരിക അകലം എന്ന പദം ഉപയോഗിക്കാൻ അഭ്യർത്ഥിച്ചു.
ലോക്ഡൗൺ, ജനങ്ങളോട് വീടുകളിൽ തന്നെ കഴിയാൻ ആഹ്വാനം ചെയ്യുക എന്നിവയോടൊപ്പം വൈറസിന്റെ വ്യാപനം തടയാൻ കേന്ദ്രസർക്കാർ ഉപയോഗിക്കുന്ന ഏറ്റവും ഫലപ്രദമായ മാർഗ്ഗമാണ് ശാരീരിക അകലം പാലിക്കാൻ ജനങ്ങളെ പ്രേരിപ്പിക്കുക എന്നത്.പ്രധാനമന്ത്രി നരേന്ദ്രമോദിയുടെ സന്ദേശത്തിൽ ഇക്കാര്യം വ്യക്തമായി പരാമർശിക്കുന്നുണ്ട്.
Discussion about this post