സുബ്രഹ്മണ്യൻ സ്വാമി ഐക്യരാഷ്ട്രസഭയിലെ സെക്രട്ടറി ജനറലിന്റെ അഡ്വൈസർ അഡമ ഡീംഗിനെതിരേ നിയമനടപടിയുമായി ബിജെപി എം.പി സുബ്രഹ്മണ്യൻ സ്വാമി.വംശഹത്യ തടയാനുള്ള വിഭാഗത്തിലെ വിശിഷ്ട ഉപദേശകനാണ് അഡമ ഡീംഗ്. ഈയാഴ്ച ആദ്യം മാധ്യമങ്ങളുമായി നടന്നൊരു കൂടിക്കാഴ്ചയിൽ, സി.എ.എ നടപ്പിലാക്കിയതിനു ശേഷം, ഇന്ത്യയിൽ മുസ്ലിങ്ങളോടുള്ള അക്രമം വർധിച്ചിരിക്കുന്നുവെന്ന് ഡീംഗ് പറഞ്ഞിരുന്നു.ഒരു വീഡിയോയിൽ, ബിജെപി എംപിയായ സുബ്രഹ്മണ്യൻ സ്വാമി “ഇന്ത്യയിൽ മറ്റു മതസ്ഥരുടെ പോലെ തുല്യയോഗ്യരല്ല മുസ്ലിങ്ങൾ” എന്നഭിപ്രായപ്പെട്ടതായി ഡീംഗ് വെളിപ്പെടുത്തിയിരുന്നു. സ്വാമി അപകടകരമായ വർഗീയ പരാമർശമാണ് നടത്തിയതെന്നും ഡീംഗ് ആരോപിച്ചു
എന്നാൽ, താനങ്ങനെ പറഞ്ഞിട്ടില്ല, വൈസ് എന്ന ഒരു കനേഡിയൻ മാധ്യമം പുറത്തുവിട്ടതാണ് എഡിറ്റ് ചെയ്യപ്പെട്ട ആ വീഡിയോ എന്നും, വൈസിന്റെ ഉടമസ്ഥൻ ഒരു പാകിസ്ഥാനിയായ കനേഡിയൻ പൗരനാണ് എന്നും സുബ്രഹ്മണ്യൻ സ്വാമി വെളിപ്പെടുത്തി.വീഡിയോയുടെ കോപ്പി തനിക്ക് നൽകാൻ താൻ ആവശ്യപ്പെട്ടുവെങ്കിലും ഇതുവരെ അത് അദ്ദേഹം ചെയ്തിട്ടില്ലെന്നും സ്വാമി പറഞ്ഞു.അഡമ ഡീംഗിനെതിരേ നിയമനടപടികൾ സ്വീകരിക്കുമെന്നും സുബ്രഹ്മണ്യൻ സ്വാമി വ്യക്തമാക്കി. കാര്യങ്ങളെല്ലാം അറിയിച്ചുകൊണ്ട് വിദേശകാര്യ സെക്രട്ടറി ഹർഷവർധൻ ശൃങ്ഗലയ്ക്ക് സുബ്രഹ്മണ്യം സ്വാമി കത്തയച്ചിട്ടുണ്ട്.
Discussion about this post