ഇന്ന് കനത്ത മഴ : അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ച് കാലാവസ്ഥ വകുപ്പ്

സംസ്ഥാനത്ത് ഇന്ന് കനത്ത മഴയുണ്ടാകുമെന്ന് റിപ്പോർട്ട്.ഇതിനെ തുടർന്ന്, അഞ്ചു ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു.കോഴിക്കോട്, കണ്ണൂർ, വയനാട് മലപ്പുറം, കാസർകോട് എന്നീ ജില്ലകളിലാണ് അലർട്ട് പ്രഖ്യാപിച്ചിരിക്കുന്നത്.ഒറ്റപ്പെട്ട സ്ഥലങ്ങളിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്നത്ര ശക്തമായ മഴയുണ്ടാകുമെന്ന് പ്രവചിക്കപ്പെട്ടിരിക്കുന്നത്.

വ്യാഴാഴ്ച രാത്രി 11:30 വരെ കുളച്ചൽ മുതൽ ധനുഷ്കോടി വരെയുള്ള തെക്ക് തമിഴ്നാട് തീരത്ത് 3.9 മീറ്റർ ഉയരത്തിൽ വരെ തിരമാലകൾക്കു സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പു നൽകിയിട്ടുണ്ട്.അതേസമയം, കേരള ലക്ഷദ്വീപ് തീരങ്ങളിൽ മീൻ പിടുത്തത്തിന് തടസ്സമില്ല.