തിരുവനന്തപുരം: ഇതര സംസ്ഥാനങ്ങളിൽ നിന്നും കേരളത്തിലേക്ക് ഏഴു ദിവസത്തെ സന്ദർശനത്തിന് വരുന്നവർ ക്വാറന്റൈനിൽ പ്രവേശിക്കേണ്ടതില്ലെന്ന് ആരോഗ്യവകുപ്പ്. കേരളത്തിൽ ഹ്രസ്വ സന്ദർശനം നടത്താൻ ആഗ്രഹിക്കുന്നവർക്കായുള്ള മാർഗരേഖയും ആരോഗ്യവകുപ്പ് പുറത്തിറക്കിയിട്ടുണ്ട്. സർക്കാരിന്റെ ജാഗ്രതാ പോർട്ടലിൽ രജിസ്റ്റർ ചെയ്തവരെ മാത്രമേ ഹ്രസ്വ സന്ദർശനത്തിന് അനുവദിക്കുകയുള്ളൂ. ജില്ലാ കളക്ടർമാരായിരിക്കും വിവരങ്ങൾ പരിശോധിച്ചതിനുശേഷം സന്ദർശനത്തിന് അനുമതി നൽകുക.
പുറത്തിറക്കിയിരിക്കുന്ന മാർഗ നിർദേശത്തിൽ സന്ദർശനം നടത്തുന്നവർ പാലിക്കേണ്ട കാര്യങ്ങൾ വ്യക്തമായി സൂചിപ്പിച്ചിട്ടുണ്ട്. പരീക്ഷകൾക്കോ അക്കാദമിക്ക് കാര്യങ്ങൾക്കോ കേരളം സന്ദർശിക്കേണ്ട വരുന്ന വിദ്യാർത്ഥികൾക്ക് ഈ ഇളവ് സഹായകമാകും.കേരളത്തിലേക്ക് വരുന്നവർ സാമൂഹ്യ അകലം പാലിക്കണമെന്നും മാസ്ക് ധരിക്കണമെന്നും കർശനമായി നിർദേശിച്ചിട്ടുണ്ട്.
Discussion about this post