ന്യൂഡൽഹി : വിൽക്കുന്ന ഉൽപന്നങ്ങൾ ഇനി മുതൽ ഏത് രാജ്യത്തിന്റേതാണെന്ന് കൂടി വെളിപ്പെടുത്തണമെന്ന് ഇ – കോമേഴ്സ് സൈറ്റുകളോട് കേന്ദ്രം.ഉപഭോക്തൃ വകുപ്പു മന്ത്രി രാംവിലാസ് പാസ്വാനാണ് ഇക്കാര്യം വെളിപ്പെടുത്തിയത്.ഓഗസ്റ്റ് ഒന്ന് മുതൽ നിർദേശം നടപ്പിലാക്കാനാണ് ആമസോൺ, ഫ്ലിപ്കാർട് എന്നിവയടങ്ങുന്ന ഇ-കോമേഴ്സ് സൈറ്റുകളോട് ആവശ്യപ്പെട്ടിട്ടുള്ളത്.പാക്കിങ് പ്രവർത്തനങ്ങളിൽ മാറ്റം വരുത്താൻ കൂടുതൽ സമയം ആവശ്യമായതിനാൽ നിർദേശം നടപ്പിലാക്കാൻ അനുവദിച്ച സമയം നീട്ടിനൽകാൻ സാധ്യതയുണ്ട്.
ആമസോൺ,ഫ്ലിപ്കാർട്, സ്നാപ്ഡീൽ, പേടിഎം, ഗ്രോഫെർസ് എന്നിവയടങ്ങുന്ന മുപ്പതോളം ഇ-കോമേഴ്സ് സൈറ്റുകളുടെ പ്രതിനിധികളോട് വീഡിയോ കോൺഫറൻസ് വഴി സംസാരിച്ചതിനു ശേഷമാണ് കേന്ദ്രം ഇങ്ങനെയൊരു തീരുമാനമെടുത്തത്.ചില ഇ-കോമേഴ്സ് സൈറ്റുകൾ ഓഗസ്റ്റ് 15-നുള്ളിൽ നിർദേശം നടപ്പിലാക്കാൻ കഴിയുമെന്ന് പറഞ്ഞപ്പോൾ മറ്റു ചില സൈറ്റുകൾ 3 മാസത്തോളം സമയം ആവശ്യപ്പെടുകയാണ് ചെയ്തത്.ഇ-കോമേഴ്സ് സൈറ്റുകളെല്ലാം കേന്ദ്രത്തിന്റെ നിർദേശം നടപ്പിലാക്കാനുള്ള തയ്യാറെടുപ്പുകൾ ആരംഭിച്ചു കഴിഞ്ഞുവെന്നാണ് സൂചനകൾ.
Discussion about this post