ന്യൂഡൽഹി : ഡൽഹിയിലെ പീരഗഡി ഭാഗത്തു വെച്ച് 13 വയസ്സുള്ള പെൺകുട്ടി പീഡനത്തിനിരയായി.ചൊവ്വാഴ്ച നടന്ന സംഭവത്തെ തുടർന്ന് പെൺകുട്ടിയെ എയിംസിൽ പ്രവേശിപ്പിച്ചിരിക്കുകയാണ്.പെൺകുട്ടിയുടെ ആരോഗ്യനില വിലയിരുത്താൻ ഇന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ എയിംസ് സന്ദർശിക്കും.കുട്ടിയുടെ സ്ഥിതി അതീവ ഗുരുതരമാണെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്. സംഭവവുമായി ബന്ധപ്പെട്ട പ്രതികളെ ഉടൻ തന്നെ കസ്റ്റഡിയിൽ എടുക്കുമെന്ന് മുഖ്യമന്ത്രി വ്യക്തമാക്കി.
പീരഗഡി വഴി സഞ്ചരിച്ചിരുന്ന ഒരാളാണ് രക്തത്തിൽ കുളിച്ചു കിടന്ന പെൺകുട്ടിയെ ആദ്യം കണ്ടത്.ഗുരുതരമായി മുറിവേറ്റ സ്വകാര്യ ഭാഗങ്ങളിൽ നിന്നും രക്തം പ്രവഹിക്കുന്നുണ്ടായിരുന്നു.പീഡനത്തിനു ശേഷം കുട്ടിയുടെ തലയിൽ കത്രിക ഉപയോഗിച്ച് കുത്തുകയും ചെയ്തിട്ടുണ്ട്.സംശയാസ്പദമായ സാഹചര്യത്തിൽ ചിലരെ പോലീസ് അറസ്റ്റ് ചെയ്തിരുന്നെങ്കിലും സംഭവത്തിനു പിന്നിൽ ആരാണെന്ന് ഇതുവരെ തിരിച്ചറിയാൻ കഴിഞ്ഞിട്ടില്ല.കൂടുതൽ വിവരങ്ങൾക്കായുള്ള അന്വേഷണം പുരോഗമിക്കുകയാണ്.
Discussion about this post