സ്വാതന്ത്ര്യദിനാശംസകൾ നേർന്ന് നേപ്പാൾ പ്രധാനമന്ത്രി ഒലി; ട്വിറ്ററിൽ ട്രോൾ മഴയുമായി ഇന്ത്യക്കാർ

ഡൽഹി: ഇന്ത്യയ്ക്ക് സ്വാതന്ത്ര്യദിനാശംസകൾ നേർന്ന് നേപ്പാൾ പ്രധാനമന്ത്രി കെ.പി ഒലി. എന്നാൽ ഓലിയുടെ ആശംസാസന്ദേശത്തിനു ട്വിറ്ററിൽ ട്രോളുകളുടെ പെരുമഴയാണ്.

‘74-ാം സ്വാതന്ത്ര്യദിനത്തിൽ പ്രധാനമന്ത്രി നരേന്ദ്ര മോദിക്കും ഇന്ത്യാ ഗവൺമെന്റിനും എല്ലാ ഇന്ത്യക്കാർക്കും അഭിനന്ദനങ്ങളും ആശംസകളും നേരുന്നു. കൂടുതൽ പുരോഗതിയും അഭിവൃദ്ധിയും കൈവരിക്കാൻ ഇന്ത്യയിലെ ജനങ്ങൾക്ക് സാധിക്കട്ടെ എന്നു ആശംസിക്കുന്നു.‘ കെ പി ഒലിയുടെ ഈ ട്വീറ്റിന് ട്വിറ്റർ ഉപയോക്താക്കൾ നല്കിയ മറുപടി രസകരമാണ്.

Congratulations and greetings to Prime Minister Shri @narendramodi ji, the Government and people of India on the happy occasion of the 74th Independence Day. Best wishes for more progress and prosperity of the people of India.

— K P Sharma Oli (@kpsharmaoli) August 15, 2020

ഭഗവാൻ രാമനെ കുറിച്ച് പ്രതിപാദിച്ചാണ് അധികപേരും മറുപടി നൽകിയത്. ‘ജയ് ശ്രീ റാം, അയോദ്ധ്യയിലേക്ക് എപ്പോഴെങ്കിലും വരൂ’. എന്നായിരുന്നു ഒരു മറുപടി.

അതേസമയം, മറ്റൊരു ഉപയോക്താവ് എഴുതി, ഇന്ത്യ നേപ്പാളിലല്ലേ ?? ഇന്ത്യ നേപ്പാളിലെ ഒരു ചെറിയ ഭാഗം മാത്രമാണ് ‘നന്ദി ഒലി ജി’, ‘നന്ദി പി.എം ഒലി ജി ..

ഇന്ന് സ്വാതന്ത്ര്യദിന പരിപാടി നേപ്പാളിലെ ചെറിയ നഗരത്തിൽ നടക്കുന്നു, നന്ദി ഒലി ജി’ എന്നായിരുന്നു ഒരു പരിഹാസം.

‘നരേന്ദ്ര മോദിയും നേപ്പാളിയാണ്’ എന്ന് മറ്റൊരു ഉപയോക്താവ് പരിഹാസത്തോടെ എഴുതി.

‘ചില ഉപയോക്താക്കൾ നേപ്പാൾ-ഇന്ത്യ ബന്ധത്തെക്കുറിച്ച്  പ്രസംഗം എഴുതി നേപ്പാൾ പ്രധാനമന്ത്രിയോട് നന്ദി പറഞ്ഞു. രാമൻ ജനിച്ചത് നേപ്പാളിലാണെന്ന ഒലിയുടെ നേരത്തെയുള്ള പ്രസ്താവനയ്ക്കാണ് ട്വിറ്റർ ഉപയോക്താക്കൾ മറുപടി നൽകിയത്. ഇന്ത്യയുടെ ഭൂപ്രദേശങ്ങൾ ഉൾപ്പെടുത്തി നേപ്പാൾ പുതിയ ഭൂപടം തയ്യാറാക്കിയതും വിവാദമായിരുന്നു. ഈ പശ്ചാത്തതലത്തിലാണ് ആളുകൾ ഒലിക്ക് മറുപടി നൽകിയത്.