വിരമിക്കൽ വേളയിലെ അഭിനന്ദന കത്തിന് പ്രധാനമന്ത്രി നരേന്ദ്ര മോദിക്ക് നന്ദി രേഖപ്പെടുത്തി മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ മഹേന്ദ്രസിംഗ് ധോനി. ‘കഠിനാധ്വാനവും ത്യാഗവും ശ്രദ്ധിക്കപ്പെടുമ്പോഴും അംഗീകരിക്കപ്പെടുമ്പോഴുമാണ് ഒരു കലാകാരനും സൈനികനും കായികതാരവും ആദരിക്കപ്പെടുന്നത്. പ്രധാനമന്ത്രി നരേന്ദ്ര മോദിയുടെ പരിഗണനയ്ക്കും ആശംസകൾക്കും നന്ദി.‘ ധോനി ട്വിറ്ററിൽ കുറിച്ചു.
https://twitter.com/msdhoni/status/1296362680580636672?ref_src=twsrc%5Etfw%7Ctwcamp%5Etweetembed%7Ctwterm%5E1296362680580636672%7Ctwgr%5E&ref_url=https%3A%2F%2Fwww.hindustantimes.com%2Fcricket%2Fms-dhoni-thanks-pm-narendra-modi-for-warm-letter-of-appreciation%2Fstory-LlQ3c9SQHjmoiBGNgpekkL.html
വിരമിക്കൽ വേളയിൽ ധോനി പങ്കുവെച്ച വീഡിയോയും പ്രധാനമന്ത്രി അനുമോദന കത്തിൽ സൂചിപ്പിച്ചിരുന്നു. ധോനിയുടെ വിടവാങ്ങലിൽ 130 കോടി ജനങ്ങൾ നിരാശരാണെന്നും എന്നാൽ ഇന്ത്യൻ ക്രിക്കറ്റിന് നൽകിയ സംഭാവനകൾക്ക് നന്ദിയെന്നും പ്രധാനമന്ത്രി രേഖപ്പെടുത്തിയിരുന്നു.
ക്രിക്കറ്റിന്റെ എല്ലാ ഫോർമാറ്റുകളിലും ഇന്ത്യയെ നയിച്ച മഹേന്ദ്രസിംഗ് ധോനി കഴിഞ്ഞ ഓഗസ്റ്റ് പതിനഞ്ചിനാണ് അന്താരാഷ്ട്ര ക്രിക്കറ്റിൽ നിന്നും വിരമിച്ചത്. 90 ടെസ്റ്റുകളും 350 ഏകദിനങ്ങളും 98 ട്വെന്റി 20 മത്സരങ്ങളും ഇന്ത്യക്കായി കളിച്ച ധോനി ഇന്ത്യയുടെ എക്കാലത്തെയും മികച്ച ക്യാപ്റ്റൻമാരിൽ ഒരാളായാണ് വിലയിരുത്തപ്പെടുന്നത്.
Discussion about this post