ഇന്ത്യ- പാക് അതിർത്തിയിൽ തുരങ്കം കണ്ടെത്തി; നുഴഞ്ഞുകയറ്റ ശ്രമം സംശയിക്കുന്നതായി ബി എസ് എഫ്

ഡൽഹി: ഇന്ത്യ- പാക് അതിർത്തിയിൽ തുരങ്കം കണ്ടെത്തി. ജമ്മു കശ്മീരിലെ സാംബ അതിർത്തി മേഖലയിലാണ് തുരങ്കം കണ്ടെത്തിയത്. തുരങ്കം നുഴഞ്ഞ് കയറ്റത്തിനായി നിർമ്മിച്ചതാണ് എന്ന് സംശയിക്കുന്നതായി ബിഎസ്എഫ് അറിയിച്ചു.

On 28 August 2020, alert troops of BSF detected a tunnel of appx 20 feet long of 3-4 feet wide in Indian territory near International Border in Basantar area in District Samba, Jammu. pic.twitter.com/dZS35vvHG4

— BSF (@BSF_India) August 29, 2020

ഇരുപത് അടി നീളവും 3-4 അടി വീതിയുമുള്ള തുരങ്കമാണ് കണ്ടെത്തിയിരിക്കുന്നത്. തുരങ്ക മുഖം മണൽ ചാക്കുകൾ കൊണ്ട് അടച്ചിരിക്കുകയായിരുന്നു. മണൽ ചാക്കുകൾ പാക് നിർമിതമാണ് എന്നും ബിഎസ്എഫ് വ്യക്തമാക്കി. തുരങ്കം കണ്ടെത്തിയതിന് പിന്നാലെ അതിർത്തിയിൽ പരിശോധന കർശനമാക്കാൻ നിർദ്ദേശം നൽകിയതായും ബിഎസ്എഫ് ജമ്മു ഐ ജി അറിയിച്ചു.

അതേസമയം നുഴഞ്ഞു കയറ്റക്കാർക്കെതിരെ കനത്ത ജാഗ്രതയിലാണ് സുരക്ഷാസേന. ഭീകരവാദികൾക്കെതിരെ കർശനമായ നടപടി തുടരുകയാണ് സൈന്യം. കഴിഞ്ഞ 24 മണിക്കൂറിനിടെ 7 ഭീകരരെ സൈന്യം വകവരുത്തിയിരുന്നു.