രാജ്യമൊട്ടാകെ ദേശീയ അന്വേഷണ ഏജൻസി നടത്തിയ റെയ്ഡിൽ 9 ഭീകരർ പിടിയിലായി. ഇവരിൽ മൂന്ന് പേർ അറസ്റ്റിലായിരിക്കുന്നത് കേരളത്തിൽ നിന്നാണ്. മാധ്യമങ്ങൾക്ക് ലഭ്യമായ പ്രാഥമിക വിവരം അനുസരിച്ച് ഇവർ അൽ ഖ്വയ്ദയുടെ സജീവ അംഗങ്ങളാണ്.
മുർഷിദ് ഹസൻ, ഇയാഖൂബ് ബിശ്വാസ്, മൊസറഫ് ഹസൻ എന്നിവരാണ് കേരളത്തിൽ അറസ്റ്റിലായത്.എറണാകുളം ജില്ലയിലെ പെരുമ്പാവൂരിൽ നിന്നാണ് ഈ 3 ഭീകരരെ ദേശീയ അന്വേഷണ ഏജൻസി അറസ്റ്റ് ചെയ്തത്.പശ്ചിമ ബംഗാളിലെ മുർഷിദാബാദ് മേഖലയിൽനിന്നും തീവ്രവാദികളെ എൻഐഎ പിടികൂടിയിട്ടുണ്ട്.രാജ്യത്തെ വിവിധ സ്ഥലങ്ങളിലായി 11 റെയ്ഡുകളാണ് എൻഐഎ നടത്തിയത്. ഭീകര സംഘടനയുടെ പ്രവർത്തനങ്ങളിൽ ആകൃഷ്ടരായ ഇവർ ഡൽഹി കേന്ദ്രീകൃതമായി സ്ഫോടനങ്ങൾ നടത്താൻ പദ്ധതിയിട്ടിരുന്നുവെന്ന് ദേശീയ അന്വേഷണ ഏജൻസിയുടെ വാർത്താക്കുറിപ്പിൽ പറയുന്നു. അട്ടിമറി പ്രവർത്തനങ്ങൾക്കായുള്ള പണം ശേഖരിക്കുന്നതിൽ വ്യാപൃതരായിരുന്നു ഇവർ.എൻഐഎയുടെ യഥാസമയത്തുള്ള ഇടപെടൽ മൂലം ഇന്ത്യയുടെ വിവിധ മേഖലയിലുള്ള തീവ്രവാദ പ്രവർത്തനങ്ങളെയാണ് തടയാൻ സാധിച്ചത്.
Discussion about this post