ന്യൂഡൽഹി : കേരളത്തിൽ നിന്നും അൽ-ഖ്വയ്ദ ഭീകരർ പിടിയിലായ സംഭവത്തിൽ മുഖ്യമന്ത്രി പിണറായി വിജയനെതിരെ രൂക്ഷവിമർശനവുമായി കേന്ദ്രമന്ത്രി വി. മുരളീധരൻ. പിണറായി ഭരണം ഭീകരർക്ക് സ്വർഗതുല്യമാണെന്നാണ് അദ്ദേഹം ട്വിറ്ററിൽ കുറിച്ചത്.
സിപിഎമ്മിന്റേയും പിണറായി വിജയന്റെയും കീഴിലുള്ള കേരളം ഭീകരർക്കും രാജ്യവിരുദ്ധ ശക്തികൾക്കും സുരക്ഷിതവും സ്വർഗ്ഗതുല്യവുമാണ്. ധിക്കാരിയും നിരുത്തരവാദിയുമായ കേരളത്തിന്റെ മുഖ്യമന്ത്രി പിണറായി വിജയൻ അൽ-ഖ്വയ്ദ ഭീകരർ പിടിയിലായ സംഭവത്തിൽ വായയടച്ചിരിക്കുകയാണ് -കേന്ദ്രമന്ത്രി വി. മുരളീധരൻ ട്വീറ്റ് ചെയ്തു. സ്വർണക്കടത്ത് കേസിലെ പ്രതികളെ സംരക്ഷിച്ചത് പോലെ സ്വന്തം നാട്ടിലുള്ള ഭീകരരേയും സംരക്ഷിക്കാനുള്ള തിരക്കിലാണ് മുഖ്യമന്ത്രിയെന്ന് അദ്ദേഹം ട്വീറ്റിൽ കൂട്ടിച്ചേർത്തിട്ടുണ്ട് . ഇന്ന് പുലർച്ചെയാണ് ദേശീയ അന്വേഷണ ഏജൻസി മൂന്ന് അൽ-ഖ്വയ്ദ ഭീകരരെ എറണാകുളം പെരുമ്പാവൂരിൽ നിന്നും പിടികൂടിയത്. ഇവരിൽ നിന്നും രാജ്യസുരക്ഷയെ ബാധിക്കുന്ന വിവരങ്ങളും പിടിച്ചെടുത്തിരുന്നു.
