ന്യൂഡൽഹി : ഡൽഹിയിലെ വായു മലിനീകരണ തോത് കൂടുതൽ വർധിച്ചുവെന്ന് ചൂണ്ടിക്കാട്ടി ഡൽഹി മലിനീകരണ നിയന്ത്രണ സമിതിയുടെ റിപ്പോർട്ടുകൾ. തലസ്ഥാനത്തെ എയർ ക്വാളിറ്റി ഇൻഡക്സ് വളരെ മോശം അവസ്ഥയിലാണ് എത്തിനിൽക്കുന്നത്.
റിപ്പോർട്ടുകൾ പ്രകാരം ആർ.കെ പുരം, ആനന്ദ് വിഹാർ, വസീർപുർ,എന്നിവിടങ്ങളിൽ റെക്കോർഡ് ചെയ്ത മലിനീകരണ തോത് യഥാക്രമം 309, 313, 339 എന്നിങ്ങനെയാണ്. അപകടകരമായ അവസ്ഥയിലേക്ക് സംസ്ഥാനം നീങ്ങുന്ന അതിനെതുടർന്ന് ഡീസൽ ജനറേറ്ററുകൾ ഇന്നുമുതൽ നിരോധിച്ചിട്ടുണ്ട്. ഇന്നലെ ഡൽഹിയിലെ അന്തരീക്ഷ മലിനീകരണ തോത് സൂചികയിൽ 276 ആയിരുന്നു. 0-50 വരെ നല്ലത്, 51-100 തൃപ്തികരം, 101-200 വരെ മിതാവസ്ഥ, 201-300 വരെ മോശം, 301-400 വരെ വളരെ മോശം എന്നിങ്ങനെയാണ് കണക്കാക്കുന്നത്.
ബുധനാഴ്ച ഡൽഹിയിലെ കാറ്റിന്റെ വേഗത കുറവായിരുന്നതിനാൽ അവിടുത്തെ അന്തരീക്ഷ മലിനീകരണ തോത് മോശത്തിൽ നിന്നും വളരെ മോശത്തിലേക്കും നേരെ തിരിച്ചും മാറിക്കൊണ്ടിരുന്നുവെന്ന് ഇന്ത്യൻ മീറ്റിയിറോളജിക്കൽ ഡിപ്പാർട്മെന്റിന്റെ തലവൻ കുൽദീപ് ശ്രീവാസ്തവ വ്യക്തമാക്കി. മഞ്ഞുകാലം കൂടി എത്തുന്നതോടെ ഡൽഹിയിൽ അന്തരീക്ഷ മലിനീകരണം വർധിക്കാനുള്ള സാധ്യത കൂടുതലാണ്.
Discussion about this post