ന്യൂയോര്‍ക്ക്: ജനിതകമാറ്റം സംഭവിച്ച കൊറോണ വൈറസുകള്‍ക്കെതിരേയും ഫൈസര്‍ വാക്സിന് ഫലപ്രദമെന്ന് പരീക്ഷണഫലം. ബ്രിട്ടണ്‍, സൗത്ത് ആഫ്രിക്ക തുടങ്ങിയ രാജ്യങ്ങളായില്‍ കണ്ടെത്തിയ ജനിതക മാറ്റം വന്ന കൊവിഡ് വൈറസ് വകഭേദങ്ങളില്‍ അമേരിക്ക ആസ്ഥാനമാക്കി നടത്തിയ പരീക്ഷണത്തിലാണ് കണ്ടെത്തല്‍.
അതേസമയം വാക്സിന് ഫലപ്രദമാണെന്ന ഫൈസര്‍ കമ്പനിയും ടെക്‌സസ് സര്‍വകലാശാലയും ചേര്‍ന്ന് നടത്തിയ പഠനത്തിന് ഇതുവരെ അംഗീകാരം ലഭിച്ചിട്ടില്ല. വാക്സിന് സ്വീകരിച്ച ആളുകളുടെ രക്തസാംപിളുകള്‍ പരിശോധിച്ചായിരുന്നു പഠനം. എന്നാല്‍ ജനിതകമാറ്റം സംഭവിച്ച കൊവിഡ് വൈറസിന്റെ പൂര്‍ണരൂപം ശേഖരിച്ച സാംപിളുകള്‍ ലഭ്യമല്ലാത്തതിനാല്‍ പരീക്ഷണഫലം പൂര്‍ണമല്ലെന്നും പഠനം വ്യക്തമാക്കുന്നു.
വൈറസിന്റെ പതിനാറ് വകഭേദങ്ങള്‍ക്കെതിരേ വാക്സിന് ഫലപ്രദമായി പ്രവര്‍ത്തിക്കുന്നുണ്ടെന്നാണ് പഠനത്തില്‍ തെളിഞ്ഞത്. കൂടുതല്‍ പഠനങ്ങള്‍ നടത്തി ദിവസങ്ങള്‍ക്കുള്ളില്‍ വാക്സിന് പുതിയ വകഭേദങ്ങളില്‍ എത്രത്തോളം ഫലപ്രദമായി പ്രവര്‍ത്തിക്കുമെന്നതിനെക്കുറിച്ച്‌ വിശദമായ റിപ്പോര്‍ട്ടുകള്‍ പുറത്തുവിടാനാവുമെന്നാണ് ഗവേഷകര്‍ കണക്ക് കൂട്ടുന്നത്.
Discussion about this post