ലഖ്നൗ: ഉത്തര്പ്രദേശിന്റെ തലസ്ഥാനമായ ലഖ്നൗവില് ബിജെപി എംപിയുടെ മകന് വെടിയേറ്റു. എംപി കൗശല് കിഷേറിന്റെ മകന് ആയുഷിനാണ് വെടിയേറ്റത്. സംഭവത്തിന് ശേഷം പോലീസ് സ്ഥലത്ത് ജാഗ്രതാ നിര്ദേശം നല്കി കഴിഞ്ഞു. ലക്നൗവിലെ മദിയാനോവിലാണ് സംഭവം നടന്നത്.
നെഞ്ചില് ആണ് വെടിയേറ്റത് . വെടിവയ്പില് സാരമായി പരിക്കേറ്റ എംപിയുടെ മകനെ ആശുപത്രിയില് പ്രവേശിപ്പിച്ചു. ആയുഷിന്റെ ആരോഗ്യനില അപകടനില തരണം ചെയ്തിട്ടില്ലെന്നാണ് പോലീസ് പറയുന്നത്. കേസിന്റെ ഗൗരവം കണക്കിലെടുത്ത് ലഖ്നൗ പോലീസ് അന്വേഷണം ആരംഭിച്ചു.
ലഖ്നൗവിനു കീഴിലുള്ള മോഹന്ലാല്ഗഞ്ചിലെ മഡിയന്വ് പോലീസ് സ്റ്റേഷന് ഏരിയയിലെ മദിയാനോവിലൂടെ പോവുകയായിരുന്നുവെന്നാണ് മാധ്യമ റിപ്പോര്ട്ടുകള്. ബൈക്കില് വന്ന സംഘമാണ് ആയുഷിനു നേരെ വെടിയുതിര്ത്തത്.
ആയുഷിന്റെ ആരോഗ്യസ്ഥിതി ഗുരുതരമായി തുടരുകയാണ്. ആയുഷിനെ ട്രോമ സെന്ററില് പ്രവേശിപ്പിച്ചിരിക്കുകയാണ്. കേസിലെ മുഴവന് പ്രതികളെയും എത്രയും വേഗം പിടികൂടുമെന്ന് പോലീസ് പറയുന്നു.
Discussion about this post