പുല്‍വാമ: ജമ്മു കശ്മീരിലെ പുല്‍വാമ ജില്ലയില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടലിൽ മൂന്നു ഭീകരരെ സുരക്ഷാസേന വധിച്ചു. പുല്‍വാമ ജില്ലയിലെ കാക്കാപോറയിലെ ഗാത്ത് മുഹല്ല ഏരിയായിലാണ് ഏറ്റുമുട്ടല്‍ നടന്നത്.
പൊലീസ്, സൈന്യം, സി.ആര്‍.പി.എഫ് വിഭാഗങ്ങള്‍ സംയുക്തമായാണ് തിരച്ചില്‍ നടത്തിയത്. ഭീകരര്‍ വെടിയുയര്‍ത്തിയതിന് പിന്നാലെ സേന തിരിച്ചടിക്കുകയായിരുന്നു.
ഒരു പെണ്‍കുട്ടി ഉള്‍പ്പെടെ രണ്ട് പ്രദേശവാസികള്‍ക്കും ഏറ്റുമുട്ടലിനിടെ പരിക്കേറ്റിട്ടുണ്ട് .പരിക്കേറ്റ ഇശ്റത്ത് ജാന്‍ (25), ഗുലാം നബി ദാര്‍ (42) എന്നിവരെ ശ്രീനഗറിലെ എസ്.എം.എച്ച്‌.എസ് ആശുപത്രിയിലേക്ക് മാറ്റി.
തെക്കന്‍ കശ്മീര്‍ ജില്ലകളായ ഷോപ്പിയാന്‍, പുല്‍വാമ എന്നിവിടങ്ങള്‍ കേന്ദ്രീകരിച്ച്‌ ഭീകരരെ പിടികൂടുന്നതിന് ഈ വര്‍ഷം തുടര്‍ച്ചയായ തിരച്ചിലാണ് സുരക്ഷാസേന നടത്തുന്നത്. താഴ്വരയില്‍ നടന്ന10 ഓപ്പറേഷനുകളിൽ 20 ഭീകരരെ സേന വധിച്ചിരുന്നു.
Discussion about this post