ഹൂസ്റ്റണ്‍: ചൊവ്വയില്‍ മാഴ്സ് 2020 ദൗത്യത്തിന്റെ ഭാഗമായ ഹെലികോപ്റ്റര്‍ പറത്തി നാസ ചരിത്രം കുറിച്ചു. കുഞ്ഞന്‍ ഹെലികോപ്റ്ററായ ഇന്‍ജെന്വുറ്റിയാണ് ചൊവ്വയിലെ പരീക്ഷണ പറക്കല്‍ വിജയകരമായി പൂര്‍ത്തിയാക്കിയത്. ഇതിന്‍റെ ചിത്രങ്ങള്‍ നാസ പുറത്തുവിട്ടിട്ടുണ്ട്. ഇത് ആദ്യമായാണ് അന്യഗ്രഹത്തില്‍ റോട്ടര്‍ക്രാഫ്റ്റ് പര്യവേഷണ വാഹനം പറത്തുന്നത്.
1.8 കിലോഗ്രാം ഭാരവും 4 ചിറകുകളും വീതമുള്ള 2 റോട്ടറുകളുമാണ് ഇന്‍ജെന്യൂയിറ്റിക്ക് ഉള്ളത്. കഴിഞ്ഞ ഫെബ്രുവരി 18നാണ് ‘ഇന്‍ജെന്വുറ്റിയെ പെഴ്സിവിയറന്‍സില്‍ ചൊവ്വയില്‍ എത്തിച്ചത്.മിനിറ്റിൽ രണ്ടായിരത്തി അഞ്ഞൂറ് തവണ കറക്കിയാണ് ചൊവ്വയുടെ അന്തരീക്ഷത്തില്‍ 30 സെക്കന്‍ഡ് നേരം ഇന്‍ജെന്വുറ്റിയുടെ രണ്ട് റോട്ടറുകള്‍ പറത്തിയത്.
ഏപ്രില്‍ 11 നാണ് ഇന്‍ജെന്യുയിറ്റി പറത്താന്‍ നേരത്തേ നിശ്ചയിച്ചിരുന്നതെങ്കിലും സോഫ്റ്റ്വെയര്‍ പ്രശ്നത്തെ തുടര്‍ന്ന് മാറ്റിവെയ്ക്കുകയായിരുന്നു. ഗുരുത്വാകര്‍ഷണം കുറവുള്ള ചൊവ്വയുടെ അന്തരീക്ഷത്തില്‍ ഹെലികോപ്ക്ടര്‍ പറത്തുന്നത് കടുത്ത വെല്ലുവിളിയായിരുന്നു. ഇതെല്ലാം തരണം ചെയ്താണ് നാസ ഇന്‍ജെന്വുറ്റി ദൗത്യം പൂര്‍ത്തീകരിച്ചത്.
