മുംബൈ: മഹാരാഷ്ട്രയിൽ കമ്മ്യൂണിസ്റ്റ് ഭീകരരും സുരക്ഷാ സേനയും തമ്മിലുള്ള ഏറ്റുമുട്ടൽ തുടരുന്നു. ഇതുവരെ 13 ഭീകരർ കൊല്ലപ്പെട്ടതായി മഹാരാഷ്ട്ര പൊലീസ് അറിയിച്ചു. ഗഡ്ചിരോളിയിലാണ് ഏറ്റുമുട്ടൽ.
മഹാരാഷ്ട്ര പൊലീസിന്റെ കമാൻഡോ വിഭാഗമായ സി-60 യൂണിറ്റാണ് ഭീകരരുമായി ഏറ്റുമുട്ടുന്നത്. കൊല്ലപ്പെട്ട ഭീകരരുടെ മൃതദേഹങ്ങൾ കണ്ടെടുത്തു.
ഏറ്റുമുട്ടൽ തുടരുകയാണെന്നും വനത്തിനുള്ളിൽ കൂടുതൽ ഭീകരർ ഒളിഞ്ഞിരിക്കുന്നതായും ഗഡ്ചിരോളി ഡിഎസ്പി സന്ദീപ് പാട്ടീൽ അറിയിച്ചു. ഇന്ന് പുലർച്ചെയാണ് ഗഡ്ചിരോളിയിലെ പേയ്ഡി കോട്മി വനമേഖലയിൽ ഏറ്റുമുട്ടൽ ആരംഭിച്ചത്.
Discussion about this post