മഹാരാജ യാവീന്ദ്ര സിങ് സ്റ്റേഡിയത്തിൽ ഇന്ത്യയും വെസ്റ്റ് ഇൻഡീസും തമ്മിലുള്ള നിർണായകമായ അവസാന ഏകദിന മത്സരത്തിൽ ടോസ് നേടി ബാറ്റിങ്ങിങ് തിരഞ്ഞെടുത്ത ഇന്ത്യക്ക് തുടക്കത്തിൽ തന്നെ വൻ തകർച്ചയാണ് നേരിടേണ്ടിവന്നത്. മുൻനിര ബാറ്റ്സ്മാൻമാരായ ശുഭ്മാൻ ഗിൽ വെറും ഒരു റൺസിനും വിരാട് കോഹ്ലി അക്കൗണ്ട് തുറക്കാതെയും പുറത്തായതോടെ ഇന്ത്യ നാലിന് രണ്ട് വിക്കറ്റ് എന്ന ദയനീയ അവസ്ഥയിലേക്ക് വീണു. തുടക്കത്തിലെ ഈ ആഘാതം വെസ്റ്റ് ഇൻഡീസ് ക്യാമ്പിൽ വലിയ ആവേശമുണ്ടാക്കുകയും ഇന്ത്യയെ ചെറിയ സ്കോറിന് ഒതുക്കാമെന്ന പ്രതീക്ഷ അവർക്ക് നൽകുകയും ചെയ്തു.
എന്നാൽ കരിയറിലെ ഫിറ്റ്നസിനെക്കുറിച്ചും സ്ഥിരതയെക്കുറിച്ചും വിമർശനങ്ങൾ ഉയർന്നപ്പോഴും തന്റെ മാച്ച് വിന്നിങ് കരുത്ത് എന്തുകൊണ്ടാണെന്ന് രോഹിത് ശർമ്മ ഒരിക്കൽക്കൂടി തെളിയിക്കുകയാണിവിടെ. മുൻ മത്സരങ്ങളിലെയും ഇംഗ്ലണ്ടിനെതിരെയുള്ള പരമ്പരയിലെയും തകർപ്പൻ സെഞ്ച്വറികളുടെ ബാക്കിപത്രമെന്നോണം രോഹിത് ശർമ്മ ക്രീസിൽ ഉറച്ചുനിന്ന് റുതുരാജ് ഗെയ്ക്വാദുമൊത്ത് മികച്ച ഒരു കൂട്ടുകെട്ട് പടുത്തുയർത്തി. വിക്കറ്റുകൾ വേഗത്തിൽ നഷ്ടപ്പെട്ട സമ്മർദ്ദഘട്ടത്തിൽ ഉത്തരവാദിത്തത്തോടെ ബാറ്റേന്തിയ രോഹിത് അർദ്ധസെഞ്ച്വറി പിന്നിട്ട് ഇന്നിങ്സിനെ മുന്നോട്ട് നയിച്ചപ്പോൾ, മറുഭാഗത്ത് ഗെയ്ക്വാദും മികച്ച പിന്തുണ നൽകി ഇന്ത്യയെ സുരക്ഷിത ട്രാക്കിലേക്ക് തിരികെ എത്തിച്ചു.
ഒടുവിൽ വ്യക്തിഗത സ്കോർ 92 ൽ നിൽക്കെ കീമോ പോളിന്റെ പന്തിൽ വമ്പൻ ഷോട്ടിന് ശ്രമിച്ച് പുറത്തായി മടങ്ങുമ്പോൾ ഇന്ത്യ തകർച്ചയിൽ നിന്ന് കയറി എന്ന് അയാൾ ഉറപ്പിച്ചിരുന്നു. ഈ 39 ആം വയസിലും അയാൾക്ക് മാത്രം സാധ്യമായൊരു മാജിക്ക് എന്ന് ഈ ഇന്നിന്നഫസിനെ നമുക്ക് പറയാം.
