ഡൽഹി: രാജ്യത്ത് കൊവിഡ് വ്യാപനം രൂക്ഷമായിരിക്കുന്ന സാഹചര്യത്തിൽ വൻ ഇളവുകൾ പ്രഖ്യാപിച്ച് ഭാരതീയ സ്റ്റേറ്റ് ബാങ്ക്. പണം പിൻവലിക്കുന്നതിലാണ് പ്രധാനമനായും ഇളവുകൾ പ്രഖ്യാപിച്ചിരിക്കുന്നത്.
അക്കൗണ്ടുടമകള്ക്ക് ഇതര ശാഖകളില്നിന്ന് പണം പിന്വലിക്കാനുള്ള പരിധി ഉയര്ത്തി. അക്കൗണ്ടുടമകള്ക്ക് ചെക്ക് ഉപയോഗിച്ച് മറ്റു ശാഖകളില്നിന്ന് പണം പിന്വലിക്കാനുള്ള പരിധി 50,000 രൂപയില്നിന്ന് ഒരു ലക്ഷമാക്കി. ബാങ്കിലെ പിന്വലിക്കല് ഫോം ഉപയോഗിച്ച് മറ്റു ശാഖകളില്നിന്ന് പിന്വലിക്കാവുന്ന പരിധി 5000 രൂപയില്നിന്ന് 25000 രൂപയായും ഉയർത്തി.
മറ്റുശാഖകളില് ചെക്ക് ഉപയോഗിച്ച് തേര്ഡ് പാര്ട്ടികള്ക്ക് പണം പിന്വലിക്കാന് എസ്ബിഐ അനുമതി നൽകി. പരമാവധി 50,000 രൂപ വരെ ഇത്തരത്തിൽ പിൻവലിക്കാം. ഇത്തരത്തിൽ പണം പിൻവലിക്കുന്നവരുടെ തിരിച്ചറിയല് വിവരങ്ങള് പരിശോധിച്ച് രേഖകള്ക്കൊപ്പം സൂക്ഷിക്കും. നേരത്തേ തേര്ഡ് പാര്ട്ടികള്ക്ക് ഇത്തരത്തില് പണം പിന്വലിക്കാന് എസ്ബിഐയിൽ സൗകര്യം ഉണ്ടായിരുന്നില്ല.
2021 സെപ്റ്റംബര് 30 വരെയാണ് ഇളവുകൾ പ്രഖ്യാപിച്ചിരിക്കുന്നത്.
Discussion about this post