ഡൽഹി: ശരിയായ രീതിയിലല്ലാതെ ദേശീയ പതാക പ്രദർശിപ്പിച്ച് പുലിവാലു പിടിച്ച് ഡൽഹി മുഖ്യമന്ത്രി അരവിന്ദ് കെജരിവാൾ. കൊറോണ വ്യാപനം വിലയിരുത്താൻ ചേർന്ന വെർച്വൽ യോഗങ്ങളിൽ പങ്കെടുക്കുമ്പോൾ കെജരിവാളിന്റെ പിന്നിലായി കാണുന്ന ദേശീയ പതാക പ്രദർശിപ്പിച്ചിരുന്നത് ചട്ടപ്രകാരമായിരുന്നില്ല. ഇത് ചൂണ്ടിക്കാട്ടി കേന്ദ്ര മന്ത്രി പ്രഹ്ലാദ് പട്ടേൽ കെജരിവാളിന് കത്തെഴുതിയിരുന്നു. ഇതിന് പിന്നാലെയാണ് തെറ്റ് തിരുത്തി കെജരിവാൾ രംഗത്തെത്തിയത്.
കെജരിവാൾ പ്രദർശിപ്പിച്ച ദേശീയ പതാകയിലെ നിറങ്ങൾ ഒരേ അളവിലായിരുന്നില്ല. പച്ച നിറമുള്ള ഭാഗത്തിന് വലുപ്പമേറിയെന്നും വികൃതമായെന്നും കേന്ദ്ര മന്ത്രി ചൂണ്ടിക്കാട്ടിയിരുന്നു. ദേശീയ പതാക പ്രദർശിപ്പിക്കാനുള്ള കേന്ദ്ര ആഭ്യന്തരമന്ത്രാലയത്തിന്റെ നിയമങ്ങൾക്ക് അനുസൃതമല്ലായിരുന്നു കെജരിവാളിന്റെ നടപടി. കേന്ദ്ര മന്ത്രി ഇത് ചൂണ്ടിക്കാട്ടിയതോടെ കഴിഞ്ഞ ദിവസം നടന്ന പത്രസമ്മേളനത്തിൽ ശരിയായ രീതിയിൽ പതാക പ്രദർശിപ്പിച്ചാണ് കെജരിവാൾ എത്തിയത്.
അരവിന്ദ് കെജരിവാൾ തെറ്റ് ഏറ്റ് പറയുകയോ ക്ഷമാപണം നടത്തുകയോ ചെയ്തില്ല. എന്നാൽ അത് തിരുത്താൻ അദ്ദേഹം മനസ്സ് കാണിച്ചതിൽ സന്തോഷമുണ്ടെന്നായിരുന്നു കേന്ദ്ര മന്ത്രി പ്രഹ്ലാദ് പട്ടേലിന്റെ പ്രതികരണം.
व्यक्ति अगर भूलवश गलती करता है,तो गलती स्वीकारता है फिर उसे सुधारता है @ArvindKejriwal जी ने अगर अपनी गलती मानकर माफी मांगी होती तो उनका बड़कपन होता?! लेकिन उनकी चुप्पी ने शंका को जन्म दिया।आपने अपनी गलती भले स्वीकार न की हो पर सुधार किया! धन्यवाद आपका @PMOIndia @JPNadda @BJP4MP pic.twitter.com/OHt7aB0Upp
— Prahlad Singh Patel (मोदी का परिवार) (@prahladspatel) June 5, 2021
