ബംഗലൂരു: ഷൂട്ടിംഗിനിടെ വൈദ്യുതാഘാതമേറ്റ് കന്നഡ നടന് ദാരുണാന്ത്യം. കന്നഡ സ്റ്റണ്ട് താരം വിവേക് (35) ആണ് മരിച്ചത്. അപകടത്തിൽ മറ്റ് 2 പേർക്ക് പരിക്കേറ്റു.
രാമനഗര ബിഡദിക്കു സമീപം ജോഗേനഹള്ളിയിൽ അജയ് റാവുവും രചിതാ റാമും പ്രധാന വേഷങ്ങളിലെത്തുന്ന ‘ലവ് യൂ രച്ചു‘വിന്റെ സെറ്റിലായിരുന്നു അപകടം. ക്രെയിനും ഇരുമ്പുകയറും ഉപയോഗിച്ചുള്ള സംഘട്ടനരംഗ ചിത്രീകരണത്തിനിടെ ഉപകരണങ്ങൾ 11കെവി വൈദ്യുതി ലൈനിൽ തട്ടിയതിനെ തുടർന്നായിരുന്നു അപകടം.
സംഭവം നടന്നയുടൻ വിവേകിനെ രാജരാജേശ്വരി മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ കർണാടക പൊലീസ് കേസെടുത്തു. പരിക്കേറ്റവർ ചികിത്സയിലാണ്.
Discussion about this post