കാസര്‍ഗോഡ്: താലിബാനെ വിമര്‍ശിച്ച്‌ വാട്‌സ് ആപ്പ് സ്റ്റാറ്റസ് ഇട്ട യുവാവിനെ എസ്ഡിപിഐ പ്രവര്‍ത്തകര്‍ ക്രൂരമായി മര്‍ദ്ദിച്ചെന്ന് പരാതി. ചെമ്പരിക്ക സ്വദേശി മുഹമ്മദ് അബ്ദുള്ളയാണ് എസ്ഡിപിഐ പ്രവര്‍ത്തകരുടെ ആക്രമണത്തിനിരയായത്.
കഴിഞ്ഞ മാസം 31 നാണ് ആക്രമണം ഉണ്ടായതെന്ന് അബ്ദുള്ളയുടെ പരാതിയില്‍ പറയുന്നു. സംഭവത്തില്‍ പരിക്കേറ്റ അബ്ദുള്ള ആശുപത്രിയില്‍ ചികിത്സ തേടിയിരുന്നു. ഇതിന് ശേഷമാണ് പോലീസില്‍ പരാതി നല്‍കിയത്.
അതേസമയം പരാതി പിന്‍വലിക്കണമെന്ന് ആവശ്യപ്പെട്ട് അബ്ദുള്ളയെ എസ്ഡിപിഐ പ്രവര്‍ത്തകര്‍ നിരന്തരം ഭീഷണിപ്പെടുത്തുന്നുണ്ട്. ഫോണിലൂടെയാണ് ഇവര്‍ നിരന്തരം ഭീഷണി മുഴക്കുന്നതെന്നും അബ്ദുള്ള പറയുന്നു.
അബ്ദുള്ളയെ ആക്രമിച്ച അഞ്ച് എസ്ഡിപിഐക്കാരെ തിരിച്ചറിഞ്ഞിട്ടുണ്ട്. എന്നാല്‍ ഇവരെ പിടികൂടിയിട്ടില്ല.
Discussion about this post